عنوان الموضوع : شكشوكة الباتنجال من مطبخي المطبخ الجزائري
مقدم من طرف منتديات العندليب

بسم الله الرحمن الرحيم
الحمد لله و الصلاة والسلام على رسول الله
السلام عليكم و رحمة الله تعالى و بركاته
المقادير:
ـ كيلو باذنجان.
ـ كيلو بطاطا ( تقدري ديري قل لكن كي تكون فيه بطاطا بزاف تجي بنينة كثر).
ـ رطل طماطم.
ـ 4 سنينات ثوم كبار.
ـ فلفل كحل.
ـ ملح.
ـ زيت.
ـ كمون (اختياري).
ـ 3 حبات بيض.
ـ معدنوس.
طريقة التحضير:
نقطعو الطماطم مكعبات و نحطوها في الكاسرول و نضيفولها الثوم مرابي و شوي زيت و ملح و فلفل كحل و نضيفو الماء حتى تبدا تتغطى الطماطم و نخلوها حتى تغلى و نقصولها اي نخلوها على نار هادئة.
من جهة أخرى نغسلو الباذنجان و نشوه و من بعد نقشروه و نغسلوه باش يتنحى منو هداك القشور اللي يكون لاصق فيه و من بعد نقطعوه مكعبات و نحطوه في الثلاجة.
نروحو دك نقو البطاطا و و نقطعوها مكعبات و نقلوها من بعد نضيفو للطماطم الباذنجان نخلوها يتشرب المرقة شوي و من بعد نضيفولو البطاطا من الفوق ما نحركوش و نضربو البيض و نديره من الفوق كي يطيب البيض تولي الشكشوكة جاهزة و تقدري تزينها بالمعدنوس و ثان اللي يحب الكمون كي طيب يقدرها يديرلها من الفوق انا ما درتوش خاطر ما نحبوش درتلها زيت الزيتون من الفوق ممممممممممم.
فقط حبيت نقولكم ما صورتش كامل الخطوات خاطر كنت مشغولة شوي صورتلكم النتيجة النهائية و بالنسبة للطماطم ادا شقتي بلي طابت و انت كنتي مزال مثلا ماكملتيش شويتي الباذنجان او قليتي البطاطا طفيلها و كي تروحي ديري الباذنجان عاودي شعليلها هكدا باش ما تخلاصش المرقة فيها و ان شاء الله تعجبكم و جربوها.







>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممممممممم انا عجبتنى بزاف بارك الله فيك

__________________________________________________ __________

>>>> الرد الثاني :

جزاك الله خيرا

__________________________________________________ __________

>>>> الرد الثالث :

يعطيك الصحة

__________________________________________________ __________

>>>> الرد الرابع :

الله يبارك فيك وشكرااااا على الوصفة

__________________________________________________ __________

>>>> الرد الخامس :

امممممممممم تشهي بصحتك