عنوان الموضوع : طاجين الحلو نتاعي من مطبخي
مقدم من طرف منتديات العندليب

ان شاء الله يعجبكم
نحط الكرطوس seche يفور من بعد كي يدخلو الطياب نزيدلو العينة و المشمش المجفف و اللي عندو الاناناس و الكيوي و الموز المجفف يزيدهم انا النهار اللي رحت نقضي ما لقيتهمش المهم بعد الغسيل الى الكسكاس و فوريهم
وو كي يدخل الطياب للمشيمشة و العينة زيدو الزبيب و خليهم يفورو
من جهة اخرى نطيبو العسيلة نديرو كيلتين سكر كيلتين ما و نديرو قارص و قرفة و قرنفل و شوي زعفران

كي يذوب السكر و يبدا يخثار نزيدولو الفاكهة اللي فارت غير يغلي نطفيو
شوفو شحال هايلة
هنا راني درتو في الصحن باش تشوفوه اللي عندو لوز منسل يزيدو من فوق راني نستنا في التقييم و صح فطوركم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
لاحظت إنك ما درتيش اللحم هو أصلا واسمو اللحم الحلو يعني طبقك بلا لحم إحنا نديروه اللحم
وهذا عجبني شكرا وصحا فطورك

__________________________________________________ __________

>>>> الرد الثاني :

شكرا على المرور انا كاتبة طاجين حلو يعني ماشي لحم لحلو و لاحظت باللي كي كنت ندير اللحم نطيشو و واحد ما ياكلو لذا بدلت صح فطورك حبيبتي

__________________________________________________ __________

>>>> الرد الثالث :

مممممممممممممممم يشهي تختلف طرقنا في التحضير الاانه ي الاخير يخرج طاجين حلو هههههههههه
اللحم في الطاجين لحلو مايتاكلش لانو معظم الناس يطيبوه مع السكر
جربي طيبي اللحم وحدو وكي يطيب نحيه
ديري السكر وكملي الباقي لما تطي خلاص رجعيه للبرمة يتنكه
وصح رمضانك

__________________________________________________ __________

>>>> الرد الرابع :

شرف ليا حضورك ام كوثر شكرا على النصيحة بصح انا ما ياكلوليش خلاص اللحم اللي في الطاجين لحلو كيفما طيبتيه يموتو على اللحم نتاع الشربة اللي بالحرور هههههههههههه ما يحبوهش بالنكهة نتاع الطاجين صح فطورك و اسعدني مرورك كثيرا

__________________________________________________ __________

>>>> الرد الخامس :

يعطيك الصحة شهيتينا ممممممممممممممممممم