ولادك مايكلوش البروكلوا ساهلة كلحيهم ادخلي نقلك
عنوان الموضوع : ولادك مايكلوش البروكلوا ساهلة كلحيهم ادخلي نقلك
مقدم من طرف منتديات العندليب
سلام حبيباتي اليوم حبيت نحط لكم طاجين البكروكلوا للي متعرفوش
اروستي هاو ليك
ساهل ماهل هههه
شوفي اول حاجة نديروا صوص حمرا بالدجاج بديت نصور فيها وبعد انسجمت مع الطياب نسيت كي فقت نلقى روحي مرقتها وصايي و قفلت الكوكوط
المهم الصوص الحمرا مكانش لي ميعرفهاش ولي ميعرفهاش يبعثلي على الخاص ميفضحش بروحوا هههههههههههه
راني نتمسخر
هاه وين وصلنا كملنا الصوص تخليها حتى تخثار خلاص خلاص
تفوري البروكلوا تاعك لاحتي يطيب وتمعسيه بالفرشيطة ااذ كنتي متعاركة و لا زعفانة رجعي غشك فيه هههه امحيه من الوجود فتفتيه هههه
خلطي البروكلو مع الصوص
اضيفي المعدنوس المفروم
اضيفي البيض بعد ماتكوني حطيتيلوا رشة ملح و رشة فلفل اسود نسيت 4 بيضات انا درت راس واحد بروكلوا كي دري 2 ضاعفي البيض باه مايجيكش محلول ميتلمش
اضيفي الفورماج كثري متخافيش راكي تسمعي يا ام ماجد هنا الاقتصاد ماشوا مليح لازم نفرمجوه مليح هه
و خلطي كلش وال المول و فتفتي من فوق الفورماج وخلاص الى الفرن
و شوفي بعد اذا ولادك يا كلوه ولا ماياكلوهش
نخليكم مع الصور
وهذا بعد ما طاب جا بنين يهبل جربوه ورجعولي الخبر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
آآآآآآآآآآآآآآ ياوحد العنادة كنت راح نديرو موضوع موجدة الصور و صايي أستناي نحكمك أنا ثاني نديرو بصح مرقة بيضاء ضرك نوريلك لي فوطو
هههههههههههههه واش قلتي
__________________________________________________ __________
>>>> الرد الثاني :
امممممم يا امورة يا امورة وا ش هذا يعطيك الصحة باين بنين و يشهي
__________________________________________________ __________
>>>> الرد الثالث :
oum anas 69
هي داراتو موضوع احمر نتي ديريه موضوع ابيض هههههههه
يعطيك الصحة امورة
__________________________________________________ __________
>>>> الرد الرابع :
المشاركة الأصلية كتبت بواسطة oum anas 69 
هههههههههههههه واش قلتي
ههههههههههههههه جاب ربي مال درتوا ههههه درتوا عندي 3 يام بلاك و تفنينت باه نحطوا هههه سبقتك
جربيه بالصوص الحمرا راهوا يجي ابن من البيضا جربتهم في 2 بصح الحمرا ابن
المشاركة الأصلية كتبت بواسطة oum ibrahim
امممممم يا امورة يا امورة وا ش هذا يعطيك الصحة باين بنين و يشهي
حبوبتي ام ابراهيم توحشتك موااااااااااااااااااح
__________________________________________________ __________
>>>> الرد الخامس :
بارك الله فيك
ييييييييييييييييييييييييام تبان هايلة
ماظنيتش نخليها للأولاد
رد مع اقتباس
