عنوان الموضوع : فكرة جيدة بالخبز اليابس
مقدم من طرف منتديات العندليب

جيتكم اليوم بطريقتين يتحضروا بالخبزاليابس.
الطريقة الأولى:
خبزة السردين في الفور
نضفي رطل سردين و أرحيه و رنخي ربع خبزة يكون بايت في الماء و أعصريه وضيفيه للسردين + ملح + معدنوس + 1 بصل مقطع +3 بيضات + كمون خلطي كلش مع بعض وقرصيه في صينية مدهونة و طيبيه في الفور.
وجدي المرق تعود خاثرة وأسقيه كي يطيب (للمرق:ثوم + 2 مغارف زيت + كمون + مغرف طماطم مصبرة + رند + ماء + مغرف نشاء حليها في شوية ماء بارد صبيها في المرق باش تثقال)
قدمي المرق مع السردين أو أسقي بيه السردين يكون مقطع في الصحن.
الطريقة الثانية:
مسكوتشو بالخبز اليابس
6 بيضات مضربين مليح + كاس زيت + كاس غير ربع سكر + كاس سميد كاس خبز يابس مرحي + كاس تمر مقطع رقيق + 2خميرة + مبشور خبة قارص، خلطي كلش مع بعض وحطيها أطيب.ثم ديريلها الشاربات.
(الشاربات: رطل سكر + 2/1 ل ماء + 2/1 كاس ماء زهر إلى حبيتي و أسقيها كي تكون سخونة)
وإنشاء الله تعجبكم كيفياتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تعيشي ختي فكرة هايلة و خفيفة
مرسي

__________________________________________________ __________

>>>> الرد الثاني :

merciiiiiiiiiiiiii t3iché

__________________________________________________ __________

>>>> الرد الثالث :

يعطيك الصحة على هذه الافكار الجديدة

__________________________________________________ __________

>>>> الرد الرابع :



__________________________________________________ __________

>>>> الرد الخامس :

بارك الله فيك