عنوان الموضوع : ارواحو تفضلو كاين لمحاجب على طريقتي طبخ جزائري
مقدم من طرف منتديات العندليب

اذا عجبتكم انحطلكم الوصفة الطريقة وهي : بالنسبة للعجينة 3 كيسان دقيق رطب ملح وماء للعجن كيما تعرفو تعجنو العجينة حتى تولي طرية خلوها ترتاح , اما بالنسبة للحشو فهي كالاتي / نصف ربطة سلق مقطعة ورقيقة ,3 حبات جزر كبار امكرفجين, حبة بصل 2 حبات طماطم مقطعين مكعبات, و فلفل حار اخضر مقطع ايضا واذا تحبوها حارة زيدو, فصين ثوم كبا,ر ملعقة ونصف طماطم مصبرة, ملح, ربع ملعقة صغيرة كروية , و نصف فنجان صغير زيت . اولا ناخذ السلق و مبشور الجزر و الطماطم المقطعة والبصل ونخلطهم جميعا ثم ناخذ المهراس نحط فيه الملح و الكاروية و نهرس واذا كانت الكاروية عندك بودرة خير ثم انزيدو الثوم ونهرس و في الاخير الفلفل الاخضر ولكن هنا ما تهرسيش الفلفل ياسر, امبعد تفرغي هاد الخليط مع الخليط الاول تاع السلق و الجزر وتخلطي, وفي الاخير زيدي الطماطم المصبرة والزيت وتخلطي . الان نبدا انطيبو لمحاجب , علي فكرة هاد المقادير اديرلك 3 محاجب . نقسمو العجينة على ثلاث كور متساوية ناخذ كرية ونغطي الباقي نقصم الكرية على 2 كريات متساوية ونبدا انقرص بالمضرب او الحلال كل واحد كيفاش اسميه ونبدا انحل العجينة انتاعي بالنشاء شوي برك تحت العجينة باش ماتلسقش اتنجمو اديرو الفرينة انا انفضل النشاء تجي خفيفة تحليها مي ما ترقيهاش بزاف وما تخليهاش خشينة امبعد اتحلي الثانية كيما الاولي . الان تروحي للحشو و تقسميه علي ثلاث تاخذي الجزء الاول وتحطيه فوق واحدة من الاقراص تاع العجينة وتوزعيه خلي شوية الطراف باش امبعد العجينة تلسق في بعظاها ثم ناخذ القرص الثاني و نضعه على القرص اللي فيه الحشو ونحاول الضغط علي الاطراف باش تلصق و ما تخرجش الحشو, انزيد انقرصها بايدينا بالشوية باش اتزيد تكبار شويا نقلبوها مرة و نزيد نبسطوها بايدينا شويا عالجال هكا قلتلكم في الاول ما ترقوهاش كي تكونو تبسطو فيها في الاول قبل ما اندير الحشو و في الاخير حطوها في الطاوة انتاعكم اللي تكونو سخنتوه مليح في الاول و امبعد تنقصو على حرارة متوسطة وتزيدو تقرصوها شوي بايدكم و اللي الطيب على طاجين الطين تحطها برك المهم لازم تقعدو تحركو فيها و دوروها باش اتطيب في كل الاطراف . ومبعد تكملو مع البقية كيف كيف, انشاء الله اتكونو فهمتو و افدتكم شكرا على المتابعة و الاصغاء


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شهيتيني فيها
يعطيك الصحة


__________________________________________________ __________

>>>> الرد الثاني :

44444444444444ما شاء الله خرجولك روعة

__________________________________________________ __________

>>>> الرد الثالث :

شكرااااااا على المرور

__________________________________________________ __________

>>>> الرد الرابع :

امممممممم يشهو
يعطيك الصحه اممممممم

__________________________________________________ __________

>>>> الرد الخامس :

ممممم راهي تشهي ،، حطي الوصفة حبيبتي بدووووون تردد هههه