عنوان الموضوع : الكمونية التونسية طبخ جزائري
مقدم من طرف منتديات العندليب

السلام عليكم

كان فطوري اليوم الكمونية التونيسة .... وعلى قد عنوانها الكبير .... على قد بساطتها في التحضير ....
انشاء الله تجربوها في رمضان ... هي وحريرة وسلاطة بزاف ....
ندخدل في المقادير وطريقة التحضير معا :
حطي شوية زيت في لا كوكوت او في الطاجين و رابي مقدار 3 سنات ثوم كبار حطي قطع من لحم الغلمي او العلوش كيما يقولولو جيرانا التوانسا ....( الكمية لي تناسب ...مثلا 500 غ بـالعظم ناعهم احسن .... ياك يقولو البنة في العظم ) زيدي الملح والفلفل الاسود وقلي مليح .... زيدي 1/2 م ك مركز الطماطم .... حركي كلش ومرقي بـ 1 لتر من الماء فقط .... غطي ولا اغلقي الكوكوت و خليه يطيب 20 د على الاقل ....
في هاد الوقت تكوني حكمتي الكبدة نتاع الدجاج او الغنمي مقدار 250 غ مثلا ... واغسلتيها بالماء وشوية نتاع الخل .... شليها مليح وحطيها في طاجين فيه الماء وخليها تاخد غلية واحة فقط .... ماشي باش اطيب ... ولكن باش ما تكحلناش لا صوص في الاخير .... رايحا تتلق في هاداك الماء.....
المهم صفيها و غطيها.... خليها على جيهة .. حتى يطيب اللحم ......
افتحي لاكوكوت وضيفي الكبدة و عاودي اغلقي 10 د لا اكثر .....
كي تفتحي حطي على المرقة 1 م ك كمون و خليها تهز غلية فقط و طفي النار ....
ما ديريش الكمون في اول الطياب رايح يمررلك الاكل .... واعتمدي هادي الطريقة في كل الوصفات لي تحتوي على الكمون .




قدمي الطبق مزين بخطوط من الكمون او رشات فقط في حاشية الصحن .
طبق هايل ... وفي القمة .... واش خصنا من الهبرة والكبدة
وبالصحة انشاء الله .
ماتنساونيش في دعوة نتاع خير من القلب ...
سلام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممم يعطيك الصحة شهيتني

__________________________________________________ __________

>>>> الرد الثاني :

المشاركة الأصلية كتبت بواسطة sidali 2007
امممممممم يعطيك الصحة شهيتني

شكرا
و مادام انتي الاولى لي شفتي الطبق
هاكي بصحتك

__________________________________________________ __________

>>>> الرد الثالث :

المشاركة الأصلية كتبت بواسطة fatimazahra09
شكرا
و مادام انتي الاولى لي شفتي الطبق
هاكي بصحتك

هههههه يعطيك الصحة راني نتبع في وصفاتك مشاء الله عليك


__________________________________________________ __________

>>>> الرد الرابع :

المشاركة الأصلية كتبت بواسطة sidali 2007
هههههه يعطيك الصحة راني نتبع في وصفاتك مشاء الله عليك

شكرا
بارك الله فيك

__________________________________________________ __________

>>>> الرد الخامس :

قستيلي في الصميم اممممممممممم نموت على الكبدة ولحم الغنمي امممممممم تشهي بصحتكم