عنوان الموضوع : الرفيس بالخطوات من مطبخي من مطبخي
مقدم من طرف منتديات العندليب




جبتلكم الخطوات لعمل الرفيس القسنطيني و هاذا نديره سيرتو في رمضان للسحور هو او المسفوف بالزبيب و من عادتنا في الاعراس ( تع الرجل ) نديروه فالغذاء تع الصبوحي



اولا نحتاج 3 كيلات سميد و كيلة زيت و ملح و نبللو بالماء














نلمو نحطو في صينية الفرن و بسطوه و نقسمه و ندخله الفرن حتي يحمار شوية و نخرجوه و كي يبدا يبرد ( يكون شوية دافئ نرحيوه)
و نهزوه بالسقاط ( نوع من السيار )

















كي نجيو نحضروه في قصعة نحطو الرفيس و نبخوه بماء الزهر حتى تنتفخ حبات الرفيس و يبدا يطرى

ثم نحطوه يفور و كي نزلوه نبخوه بالحليب حتى يطرى و نعاودو نردوه يفور و كي نزلوه نريحوه بالزبدة و








نحطولو العسل و نخليوه يشرب لمدة 10 دقايق و نقدموه بالسكر القلاصي و اللوز مرحي من فوق ( مكانش متوفر عندي ) مع اللبن
بالصحة و الهناء


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة عزيزتي بصح شفت بزاف وصفات فالمنتدى و الرفيس كيما هكدا حنا الرفيس تاعنا كامل ماشي هكدا اول مرة نكتشف هاد النوع يعطيك الصحة غير البارح و انا نقول لماما عليه من بعد نوريهولها

__________________________________________________ __________

>>>> الرد الثاني :

بارك الله فيك .....

__________________________________________________ __________

>>>> الرد الثالث :

4444444444444444444444

__________________________________________________ __________

>>>> الرد الرابع :

الرفيس انتاع قسنطينة يهبل و خفيف و بنين انا نحبو بزاف يعطيك الصحة اختي على الوصفة

__________________________________________________ __________

>>>> الرد الخامس :

يعطيك الصحة احنا هدا نديروه في صباح العروس يجيبوه دارهم كي يجو الصباح مع البقلاوة والمقروض والقهوة و الحليب كيما دارولي ليا انا و ب صراحة انا عندي احسن نوع نتاع رفيس