عنوان الموضوع : اللي عندها حشوة تتفضل المطبخ الجزائري
مقدم من طرف منتديات العندليب

السلام عليكم
كي كنت نجرب في الخبز البلغاري و شفت بللي الاخوات اللي جربوه قبلي داروه بحشوات مختلفة ايا جات في بالي قكرة انو نكتبو كل الحشوات المالحة او الحلوة الخاصة بالعجائن او الحلويات أو بأي طبق محشي.نذكروا الحشوات و الاطباق اللي تجي فيها..و منها نستفادوا من بعض و ننوعو في الحشوات
ايا وش رايكم و وش قلتوا...:d..


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نبدا انا بسم الله
احب حشوة عندي تع البوراك
لحم مرحي + بصل + فروماج + بيض مقلي + بطاطا مغليه +معدنوس
نقلي البصل نضيفلو اللحم مع الحرور و الملح حتى يتشوح اللحم زين و نخليه يبرد
نمرس البطاطا نضيقلها اللحم و الفروماج و البيض المقلي و المعدنوس و ممبعد نزيد القيونداشي و نخلط الجميع و نعمر البوراك تاعي

__________________________________________________ __________

>>>> الرد الثاني :

فكرة هايلة مشكووووووووووورة
أنا أحب حشوة عندي ثان تاع البوراك بصح بالاك تجيك غريبة هي كل واحد و الذوق تاعو
أنا نعمر البوراك تاعي بالتشكشوكة تاع البصل برك و نكثرلها الحااااااااااااار تجي تهبل مع الحريرة و ثان البريك بالبيض نموت فيه
و الله قاع العجاجن المحشيين نحبهم بصح البوراك بهذي الطريقة نموت فيه
فكرتيني فيه

__________________________________________________ __________

>>>> الرد الثالث :

شكرا ام لميس صح تع الشكشوكه جاتني بيزار بصح نجربوه ان شاء الله
و البريك وش ديري فيه البيض وحدوا؟؟؟ اعطينا تفاصيل

__________________________________________________ __________

>>>> الرد الرابع :

جربي حبة و ذوقيها و الله هايل و هو حار
أما تاع البيض تخلي الخبزة تاع الديول مفتوحة و تفقسي فيها حبة بيض بلا متضربيها و ديريلها شوية حرور و ملح و طبقي الديول تخرج مربع طبقيه كيما المسمن و قليه و الله يخرج رووووووووووووعة
كاش نهار ندير الديول و نوريلكم تاع التشكشوكة و البيض

__________________________________________________ __________

>>>> الرد الخامس :

وش ما عندكمش افكار و اللا مش حابين تشاركونا
و اللا خايفين من العين :d