عنوان الموضوع : فطور اول يوم في رمضا بالصور طريقة جزائرية
مقدم من طرف منتديات العندليب

البارح درت الفطور وحدي جبتلكم واش درت بكل التفاصيل المصورة ههههههههههههه زعما غالبني رمضان
بديت اول شيء بالحريرة
واللي حطيت المصفة نتاعها بالتفصيل هنا


https://www.djelfa.info/vb/showthread.php?t=1619546



وثاني شيء رميت الجلبانة الصور توضح كل شيء
قليت الجاج مع البصل والثوم ودرت شوي قرفة وزعفران وملح وراس الحانوت وقليت مليح الجاج نتاعي من بعد ضفت الجلبانة ودرت حبة زرودية للبنة وربطة قصبر ومرقت وخليتها تطيب

قشرت حبات بطاطا وقطعتها دوائر وخليتها في الماء حتى تولي قريب الجلبانة توجد نقليها

ورمت طاجين الحلو كيما راكم تشوفو

ومن بعد ورقت السلاطة ودرتها في الما و كنت مطيبة البيطراف من الصباح


ومن بعد خدمت الفلون كيما راكم تشوفو
درت الطبقة الاولى وخليتها تحكم روحها باش نخدم الطبقة الثانية

مادامها تشد روحها
غلالي الما تاع الحلو ضفت السكر وخليتو يزيد يغلي وشللت الزبب والبرقوقة وقشرت التفاح

من بعد رحت قطعت الطرشي للبوراك
من بعد اللي كملت الطرشي رحت ضفت الزبيب والبرقوقة للمرقة تاع الحلو اللي غلات وخليتهم يطيبو
 https://www.djelfa.info/vb/showthread.php?t=1619857

ومن بعد وجدتلي الحريرة رحت رحيتها
ومن بعد وجدتلها العقدة وكي كملت الحريرة درتها تغلي ومن بعد ضفتلها العقدة طفيت عليها وعطرتها ونحيتها بجيه
واخيرا تهنيت من الحريرة هههههههههه

رحت طليت على الجلبانة لقيتها طاب كل شيء خليت شوي صوص وطفيت عليها
صفيت البطاطا ودرتها تتقلى ورحت خدمت الفلون الطبقة الثانية وكمل الفلان وخليتو

يبرد باش ديرو في الثلاجة

قليت البطاطا وكملتها ونحيت شوي صوصو تاع جلبانة باش كي ندير البيض وتنشف تكون عندي شوي صوص
نستف البطاطا اللي قليتها فوق الجلبانة ونحطها فوق النار تغلي غير شوي الصوص نضرب 3حبات بيض مع شوي ملحة وسنة ثوم وشوي قسبر مقطع ونفرغ فق البطاطا ونغطي الطاجين ونقص شوي النار وخليتها حتى نشف البيض طفيت امممممممممم راكم تشمو في الريحة الله الله ههههههههههههههه
كملت الجلبانة




اووووووووووووو نسيت الحلو رحت زدت التفاح اللي قطعتو وخليتو يطيب معاهم
شاندير ضوكا شاندير ااااااااااه تفكرت
نخدم العقدة تاع البوراك اللي حطيتها من قبل هنا
كي كملتها خليتها تبرد





طليت على الحلو لقتو وجد طفيت عليه ودرتلو شوي فاني

ضوكا شاندير خلاص عييت هههههههه جات ماما وختي وحدة خدمت السلاطة وحدة قلات البوراك وحدة وجدت القش وهي فرات




كسرتلكم ريانكم يااااااااك




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله بارك راكي فحلة وشاطرة بصحتكم وصحا رمضتنكم

__________________________________________________ __________

>>>> الرد الثاني :

bsahetkom w ya3ték saha ya l9afzaa
saha ftorkomm

__________________________________________________ __________

>>>> الرد الثالث :

تسلمي يعطيك الصحة يا الفحلة
ماشاء الله عليك

__________________________________________________ __________

>>>> الرد الرابع :

السلام عليكم يعطيك الصجة
تبارك الله علي
مشكوووووووووووووورة

__________________________________________________ __________

>>>> الرد الخامس :

يعطيك الصحة فطور و عليه الكلام بصحتكم و صح فطوركم