عنوان الموضوع : طجين أول يوم رمضان ...وجديه معايا اليووووم المطبخ الجزائري
مقدم من طرف منتديات العندليب




اللهم صلّ على سيدنا محمد صلاة ترضيك وترضيه وترضى بها عنا يا رب العالمين
وعلى اله وصحبه اجمعين والتابعين باحسان الى يوم الدين:

وش احوالكم بنااات
وصل رمضان ضيفا حبيبا
ربي يبلغهولنا واياكم حبيباتييي في رضى منه ورحمة

راكم معايا بلّي برنامج اليوم الاول شربة+طاجين
متفاهمين؟


متفاهمين...

كل رمضان نحبو نغيرو في الوصفة وفي المايدة ...
ربي يرضى علينا
ويتقبل مننا صالح الاعمال

كنت حطيت من قبل في منتدى عربي وصفة الطاجين بالفواكه المشكلة
ونقلتها اختي الحبيبة ام راضية
https://www.djelfa.info/vb/showthread.php?t=1116533
ولاقت ولله الحمد استحسان... فحبيت نشارككم وصفة اخرى للطاجين الحلو
وهاذ المرة في ....منتدانا

هاذ الوصفة الحقيقة من نهار ذقتها
ربي يجازي صاحبتها خير وانا هابلة عليها
ذوقها هايل وتغييير وفي نفس الوقت استعمال للفاكهة الموسمية
اللي هي.... الزعروووور
واللي مليح انه قادرة توجديها من الآن وتكونجليها وتستعمليها في رمضان أو بعده

شوفو معايا كفاه يجي اولا للتشويق...
ماشاء الله





شوفو من داخل ...طعم اللوز مع الزعرور والطجين الحلو هااااايل بدون مبالغة





نروحو للطريقة:
لتحضير حشوة اللوز
كأس لوز+ربع كأس سكر+أصفر بيضة +بيضة كاملة+قليل من القرفة


نرحو اللوز

رقيق

ونزيدوله السكر

ونبلله بخليط البيض بالشوية

لازم يبقى الخليط متماسك ومش طري

كما في الصورة

ونحطوه على جهة مغطي
نغسلو الزعرور

ونقشروه

ونفتحوه من تحت برأس ملعقة صغيرة
كما في الصورة وننحيو البذور

وحتى الزوائد هاذي اللي من داخل

ونحشوه بخليط اللوز اللي حضّرنا

هكذا...


لحدّ هنا نقدرو نحطّوه في علبة محكمة الغلق ونكونجليوه
وفي رمضان نجبدوه بلا ما يدّيكونجلا مباشرة للمرق المغلي

وبالنسبة لطريقة طبخ الوصفة
طاجينك عادي
بصل +زيت+ملعقة زبدة+عود قرفة+ملعقتين سكر+ملح+فلفل اسود+مااااااااء

نقلّو المكونات كامل









ثم نضيفو الماء وشوية ماء الزهر



كي يطيب اللحم نضيفو العين نكونو غسلناها

وكي تقرّب اطّيب نلوحو كأس سكر أو أكثر أو أقل حسب الرغبة


ونخلّوه يغلي ...وقبل مايوصل المرق المرحلة اللي يتعسّل فيها


نكونو موجدين الزعرور في كاسرولة بحيث الفتحات اللي حشينا الى فوق
ونمرقو من المرق نتاعنا

مش شرط يتغطى وانما قريب



هذا وش بقا مع العين

نخلّوه يغلي حتى يبدا ياخذ لون

شوفو لونه كفاه يولّي بااااااهييي ويطيب ويبقا شاد روحه


مايتهرّاااااااااااش ...ومانحرّكوش بزاف باه ماتخرجش حشوة اللوز
وهي اكيد راح تطلق شوية منه
اذا ماعندكمش مشكل حطوه يزيده لذّه
لكن اللي يحب المرق نتاع الطجين معسّل وصافي
يصفّيييييييييييييه

ونرجّعوه لوعاء اللي طيبنا فيه العين
ياخذ غلية وتتجانس النكهات
رشة سخية ماء زهر

نكونو محمصين لوز خفيف

نضيفه ونطفّييييييي

وخلاص ....نذوق أحلى طجين

مش راح نقوللكم على البنّة

نخلّي حتى تجربوه انتوما وتقولولييي




رمضانكم مبروووك
وربي يقبل منا ومنكم صالح الاعمال يار

اللي استفادت من موضوعي
وحضّرته ليوم الاول من رمضان
اماااااااانة ماتنسانيش من دعائها
بصلاح الحال والاولاد
وربي يرزقنا الهدى والسداد
ويرضى علينا ...

أستودعكم الله






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يبارك وصفة رائعة لأول يوم رمضان
ان شاء الله نجربها يعطيك الصحة

__________________________________________________ __________

>>>> الرد الثاني :

السلام عليكم

ممممممممممممم فيه كل ما احب ، بارك الله فيك ابداع سوف أجربه ان شاء الله

سعيييدة لأني أول من يعلق على موضوعك ، اليكِ بديعة الصغيرة تطل عليك



__________________________________________________ __________

>>>> الرد الثالث :

المشاركة الأصلية كتبت بواسطة لينة نور
السلام عليكم

ممممممممممممم فيه كل ما احب ، بارك الله فيك ابداع سوف أجربه ان شاء الله

سعيييدة لأني أول من يعلق على موضوعك ، اليكِ بديعة الصغيرة تطل عليك


وعليكم السلام ورحمة الله وبركاته
ههههههههه
ياهلا بالحامل والمحموووووووووول
سبحان الخالق يا لينا
سبحاااااانه
نورتي حبيبتي انتي وهي
وبالفعل هدية جمييييلة
وكنت أسعد لأنك أول من زرت الموضوع
ربي يحفظك





سبحان الله


__________________________________________________ __________

>>>> الرد الرابع :

المشاركة الأصلية كتبت بواسطة سهام الخير
الله يبارك وصفة رائعة لأول يوم رمضان
ان شاء الله نجربها يعطيك الصحة

يبارك فيك عزيزتي
ربي يحفظك
جزاك الله خير على المداخلة الطيبة


__________________________________________________ __________

>>>> الرد الخامس :

المشاركة الأصلية كتبت بواسطة ابداع جزائرية
وعليكم السلام ورحمة الله وبركاته
ههههههههه
ياهلا بالحامل والمحموووووووووول
سبحان الخالق يا لينا
سبحاااااانه
نورتي حبيبتي انتي وهي
وبالفعل هدية جمييييلة
وكنت أسعد لأنك أول من زرت الموضوع
ربي يحفظك





سبحان الله

السلام عليكم

شكرا غاليتي ، ربما أكون أول من زار الموضوع ، غير أن أختنا سهام الخير سبقتني في التعليق

عن الهدية يسعدني أن أشاركك والجماعة بعض مراحل نموها ان شاء الله ......

الطبق فعلا جميل و الوصفة مفصلة تفصيلا ، يجعلك ذلك ترتاحين من أسئلتي