عنوان الموضوع : برنوس الشخشوخة نتاعي بالتفصيل و الصور المطبخ الجزائري
مقدم من طرف منتديات العندليب

السلام عليكم اليوم حبيت نوريلكم برنوس الشخشوخة نتاعي بسم الله نبدا
للعجينة يلزم سميد من الافضل ناعم+ملح و نبل بالماء

نخلط المكونات و نبل بالماء شوية شوية و ندلك جيدا و نرش بالماء حتى نتحصل على عجينة رطبة و رخوة كي نهزها لفوق تنزل وحدها

هنا نديرها كرات صغيرة ونغطيها ببلاستيك او قماش مبلول بالماء و نحطها ترتاح

بعدما ترتاح نحط طاجين الحديد فوق الطابونة بنار خفييفة و نرش عليه شوية زيت و نبدا بسم الله

نحل كرة من العجين بالزيت فوق طابلة ملساءبحيث نركز على فتح الاطراف رقاق و ما يهمش الوسط كي نهز الورقة يتحل

ندخل ظهر اليد اليسرى تحت طرف الورقة و نرفع شوية مع السحب لليسار ثم ندخل ظهر اليد اليمنى ونكسل العجين و شوفي كيفاش تكسلت الورقة من الوسط

نرميها في الطاجين كي تبياض نقلبها و نرشها بشوي زيت و نحل كرة اخرى نرميها ثم نقلب و نرش شوي زيت وهكذا حتى نكمل البرنوس ثم نهز من الوسط و نخلي الاكراف طيب


نحل الورقات عن بعضهم البعض و نفتتها كبيرة شوية و الحمد لله خلصت من البرنوس نروح للمرقة
انا درت دجاج+بصل رابي+ثوم+حبة طماطم+بطاطا+جريوات+خردل+ملح+فلفل اسود+راس الحانوت+فلفل احمر+فلفل عكري اختياري +زيتاو زبدة او سمن و نحطهم يتقلاو شوية ثم نزيد كمية ماء قليلة و نخلي يزيدو يتقلاو

نمرق بالماء و نخليها حتى توصل نص طياب
نزيد نرمي طماطم مصبرة+فلفل اخضر حار او حلو انا درت الحلو

ندير الكسكاس فوق المرق و نفور الشخشوخة بكميات قليلة باه ما تتنداش بزاف لي تحت

كي طيب المرقة نحي الجاج و البطاطا و نحمرهم في المقلة مع شوية زبدة

وهاهي شخشوخة ام كوكو النعسانةنشاالله تعجبكم و ديروها و الله ولي التوفيق



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :




بارك الله فيك
يبان بنين ويشهي

__________________________________________________ __________

>>>> الرد الثاني :

barak allah fik RAw3a

__________________________________________________ __________

>>>> الرد الثالث :


واو روعة لكنها تختلف شوي على شخشوخة بساكرة

اما الرقاق لا يعلى عليه تحفة

__________________________________________________ __________

>>>> الرد الرابع :

امممممممممممم ماشاء الله عليك شخشوخه تشهي
تسلم الأيادي وبارك الله فيك
وبصحتك امممممممممممممم

__________________________________________________ __________

>>>> الرد الخامس :

الله يعطيك الصحة فحلى ونص