عنوان الموضوع : *-*قراتان و طاجين الشفلور و الكفتة اممممممممممم من كوزينتي*-* من مطبخي
مقدم من طرف منتديات العندليب




هذه طريقتي لإعداد قراتان و طاجين الشفلور و الكفتة




- شفلور منقي و مغسول - حبة بطاطا مقشرة و مغسولة




- نحطهم يغليو في قدرة حتان يطيبو
من بعد نحطهم في كسكاس يقطرو ا و يبردوا



-من جهة أخرى نحضروا الكفتة
نأخذ قدرة نحط فيها قطع دجاج أنا درت شوية صدر مع حبة كبيرة بصل مرحية و 2 سنينات ثوم مرحيين و نصف حبة طماطم مرحية رقيق و نصف م ص فلفل أسود و نصف م ص كزبرة يابسة مرحية و ربع م ص كروية مرحية إذا توفرت و ملح و شوية زيت
-نحطهم يتقلاو مع ربع كاس ماء كي يتقلاو مليح ومن بعد نحي 2 م ك من التقلية


- من بعد نمرق و كي يغلي نضيف حبات الكفتة اللي نكونو محضرينهم من قبل (لحم مرحي + شوية بصل مرحي + ملح و فلفل أسود + كمشة أرز مغلي و مصفى + بيضة+ معدنوس و كزيرة خضرا مقطعين ) و نخلي الكل يطيب على نار متوسطة

- نفتت الشفلور و البطاطا و نضيفلهم المعدنوس و الكزبرة الخضرا و 2 م ك نتاع التقلية و نملح و نضيف الفلفل الأسود و حبة بيض و نخلط الكل






نأخذ نصف خليط الشفلور و نعمل منو كويرات نرمدهم في شابلير (خبز مرحي ) و نقليهم في الزيت




و النصف الآخر نزيدلو بيضة أخرى و جبن مبشور و زيتون أخضر مقطع و نضعو في مولات مدهونين بالزبدة و مرشوشين بالخبز المرحي و نذرذر عليهم من فوق الخبز المرحي











نحطهم في الفور و كي يحمارو من الجوانب نحط 2 ملاعق صغار نتاع زبدة من فوق و نعاود نرجعهم للفور باش يتحمروا من فوق






هاو ليكم كلشي واجد






الكفتة كي تحطوها في صحن التقديم ضيفولها عصرة قارص من فوق يعطيها ذوق و بنة اممممممممممممم





















حبيبات الشفلور المكفت حطيتهم ناشفين اللي يحب يغمسهم في المرق أو ياكلهم هكذاك ناشفين








تاكلو بالصحة و الهنا


و صلى الله على محمد صلى الله عليه و سلم






-


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صلى الله عليه وسلم
ما شاااااااااااااااااء الله بوركتي حبيبتي كلش هاااايل يعطاك الصحة والله من صنف واحد خرجتي اصناف راااائعة كروعتك سلمت يمناك


__________________________________________________ __________

>>>> الرد الثاني :

اللهم ماصل وسلم على سيدنا وحبيبنا محمد خير خلق الله

بسم الله ماشاء الله اختي ام اياد وصفات راااائعة وتقديم ارووووع يعطيك الف عافية

__________________________________________________ __________

>>>> الرد الثالث :

عليه افضل الصلاوات والسلام

بوركت ام اياد راني شكرتك في الكوزينة ونزيد هنايا تاني نقولك فحلة ونص

__________________________________________________ __________

>>>> الرد الرابع :

ممممممممممممممممممم راني شارية اليوم الشوفلور يعطيك الصحة حنونة

__________________________________________________ __________

>>>> الرد الخامس :

المشاركة الأصلية كتبت بواسطة ام يسرا
صلى الله عليه وسلم
ما شاااااااااااااااااء الله بوركتي حبيبتي كلش هاااايل يعطاك الصحة والله من صنف واحد خرجتي اصناف راااائعة كروعتك سلمت يمناك


الله يسلمك حبوبة أم يسرا شكرا لمرورك نورتي عزيزتي

المشاركة الأصلية كتبت بواسطة ام اماني77
اللهم ماصل وسلم على سيدنا وحبيبنا محمد خير خلق الله

بسم الله ماشاء الله اختي ام اياد وصفات راااائعة وتقديم ارووووع يعطيك الف عافية


الله يعافيك حبوبتي الغالية أم أماني ربي يبارك فيك عزيزتي شكرا

المشاركة الأصلية كتبت بواسطة lilouchaf
عليه افضل الصلاوات والسلام

بوركت ام اياد راني شكرتك في الكوزينة ونزيد هنايا تاني نقولك فحلة ونص


الله يبارك فيك و يحفظك حبوبة ليلوشة شكرا لك ربي يخليك حنونة


المشاركة الأصلية كتبت بواسطة ام كوكو
ممممممممممممممممممم راني شارية اليوم الشوفلور يعطيك الصحة حنونة


إن شاء الله تجربيه و يعجبك عزيزتي أم كوكو نورتي الصفحة بتشجيعك


لا إله إلا الله محمد رسول الله