عنوان الموضوع : بيتزا الطاجين غيييييير كتغييييييير رووووعة طبخ جزائري
مقدم من طرف منتديات العندليب








حبيباتي بيتزا في طاجين الشخشوخة


هي الفكرة قديمة وداروها شحال نوحدة بصح أنا كتغيير وعلى طريقتي جبتلكم تشوفوها والله بنينة وسريعة وتقرمش قررررررمشة روووووعة نخليكم مع المقادير والصور توضح أكثر
المقادير للعجينة: 700غ فرينة نزيدولها زوج مغارف كبار نشاء وزوج مغارف صغار ملح وزوج مغارف كبار زيت زيتون وزوج زيت عادي ومغرف صغيرة سكر وثلاث مغارف صغار خميرة الكسرة ونبداو نعجنوووو باماء غير بالشوي راني حابة عجينة طرية مايش جارية انتبهو طرية مايش جارية المهم في القوام أيبس شوي من تاع البيتزا العادية ندلكو مليح ونخليوها تطلع







الصوص: حبيباتي لي حابة تستعمل الصوص تاعها تستعمل ولكن شيحوها مليح من الماء يعني الطماطم طيب حتان تشيح من الماء والصورة تبينلكم
الصوص على طريقتي: في ميكسوووور نرحي بصلة صغيرة خلالالالاص وزوج سنينات ثوم والطماطم تاعنا ونحطهم في المقلة ونزيدلهم الملح والزعيترة وزوج وراق رند ومغرف صغيرة سكر وزوج مغارف زيت الزيتون وزوج مغارف زيت عادي ونخليها طيب ويتبخر الماء تاعها










لتزيين البيتزا: طون زيت , فرماج روج رابي, فرماج شيدار رابي, زيت زيتون, هريسة نخلط معاها شوي طماطم كي تبدا تغلي ونضيفلها مغرف صغيرة زيت زيتووون وشوي ماء ونخليها على جنب وزيتون أسود مغسول ومايوناز وهنا عندنا خلطة الفرماج لي نحشيو بيها البيتزا وهي: ثمانية فرماجات نزيدلهم فنجال حليب ونخبطهم بالميكسووور مليح ضرك تولي عندنا صوص فرماج وخاثرة








نرجعووو للعجينة: كي تطلع نرش طاولة العمل تاعي بالفرينة ونقسم الكمية الى ثمانية كريات متساوية مثل الصورة ونعاود نشكلهم ونبدا العمل





نرش كيما قلت طاولة العمل ونحل زوج قرصات كل وحدة وحدها كيما في الصورة وعلى واحدة من القرصات نحط صوص الفرماج لي خدمناها وبمساعدة القنوط نحط الطبقة الأخرى على طبقة الفرماج ونغلق لحواشي بالطريقة هاذي ونضغط مليح ونكونو سخنا الطاجين المسرح تاع الشخشوخة ونبداو نطيبوها ولازم كي تهزو القرصة حطوها على الوجه المطبق لي غلقناه على خاطر هاذاك هو الوجه كي نقلبوها راح نحطو عليه الطماطم والصورة توضح أكثر كي يبدا يصفار الوجه نقلبوها ونحطو الصوص تاعنا والزيتون والفرماج تاعنا بأنواعه ونرشو شوي زيت زيتون ونكمل الطون ونحرك القرصة كيما طياب لخميرة باش طيب من كل الجهات وكي تشوفيها حمارت نحيها وزينيها بالمايوناز وهام ليكم الصور توضح أكثر
ملاحظة: النار هادئة جدا كيما نطيبو الشخشوخة





ذ
























نشالله تعجبكم وتجربووووها وراني مستعدة لأي عقوبة لوكان ماتعجبكمش
والسلام عليكم ورحمة الله تعالى وبركاته

لهومة كالعادة لازم دير حجرة في الصباط وقالت صوريلي النار وصورتلها النار هاي ليكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مممممممممممممممممممممممممممممم روعة يسلم الايادي حبيبتي

__________________________________________________ __________

>>>> الرد الثاني :

اممممممممممممممممم تبارك الله يعطيك الصحة خرجت هايلة

__________________________________________________ __________

>>>> الرد الثالث :

بارك الله فيك حبيبتي ام تاج خرجتلك روووووووووووعة اكييييييييد راح نجربها ماشاء الله عليك


__________________________________________________ __________

>>>> الرد الرابع :

يعطيك الصحة عجبتني و باذن الله نجربها.

__________________________________________________ __________

>>>> الرد الخامس :

شكرا حبيباتي الله يبارك فيكم ويخليكم يارب نوروتو موضوعي