عنوان الموضوع : **roti** بطريقتي تفضلــــــــــووو طبق جزائري
مقدم من طرف منتديات العندليب



واشراكم اليوم انشاء الله توكونو لاباس كاااااااامل
جبتلكم اليوم ROTI عبارة عن BOUDIN بلحم بقري وداند مع بطاطا وفاصوليا خضراء راح نوريلكم طريقتي وانشاء الله تعجبكم بصراحة ماشي نشكر في روحي لكن راهو لذيييييييييييذ وسهل منطولش بزاف

نحتاج سكالوب داند كمية صغيرة 2 شرائح
نحتاج لحم بقري شرائح حوالي 3

نبسط شرائح لحم البقري ونهرسها شوي باش يطرى اللحم نحط فيها شوي برك مارغارين



وتتبيلة كالتالي: (( 7 فصوص ثوم+ 2 م ص ملح +م ص ونصف فلفل أسود + م ص مارغارين)) نهرسهم مليييح


نحط نصف كمية لتوابل على اللحم كما في الصورة


بالنيبة لسكالوب داند نحتاج
(( فص ثوم+ م ص موطارد+ ملح + فلفل أسود+كمون +فروماج + ليمون )) وزيتون مقطع للحشو اذا تحبي ديري CHAMPIGNON


أرحي المكونات مع السكالوب في الروبو وحطيه فوق اللحم كما في الصورة ونحط في وسطه الزيتون ونرولي عليه اللحم ونحمو بخيط خشن باحكام







نحط كوكوط فيها شوي مارغارين و5 م ك زيت واذا تحبي ديري غير المارغارين وحطي BOUDIN انا مكفتنيش كوكوط استلزم الامر وجاني مقوس خليه يتحمر شوي وقلبيه خليه يحمار على الجهتين وزيدي الكمية نتاع التوابل ومرقي بالماء حتي يوصل للحم خليه يغلي وغلقي الكوكوط لمدة 30د





هنا بعد ما طاب نحيتو من الكوكوط ونزعتلو الخيط الان نزيد نحمرو في المقلة مع شوي مارغارين وخليه على جنب ولازم تغطية بصحن ماشي بلاستيك OK



الآن نميكسي الصوص لي طاب فيها اللحم


بالنسبة للبطاطا نقشرها ونغسله ونقطعها كيما تشوفو في الصورة

ونطيبها في الصوص لمدة 5د من بعد نحيها من الكوكوط Iهاهي كي طابت ونقليها يعني تتحمر



بالنسبة لفاصوليا الخضراء
نفورها ومن بعد نسوتيها في شوي صوص على المقلة لكن منحركحاش بزاف


ونقدم الكل مع بعض مع الصوص هاذا ROTI على طريقتي جربوه انشاء الله
تقدري ديري دجاج أو لحم خروف بالبتتبيلة لي درتها نتاع الثوم

تفضلو بصحتكم





دمتم في حفظ الله تعالى
تحيـــــــــــــــــــــــاتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اوووووووووووووووووه ,,,, يعطيك الصحة اختي يشهيييييييييييييييييييي

__________________________________________________ __________

>>>> الرد الثاني :

اممممممممممممممممممم زدتي علي يسخف اممممممممممممممم راني غير قدامك ابعثيلي اممممممممممممممممم

__________________________________________________ __________

>>>> الرد الثالث :

الله يبارك روووعــة ربي يحفظك



__________________________________________________ __________

>>>> الرد الرابع :

المشاركة الأصلية كتبت بواسطة أم ياسين الزهراء
اممممممممممممممممممم زدتي علي يسخف اممممممممممممممم راني غير قدامك ابعثيلي اممممممممممممممممم

ههههههههههه مقصديش نزيد عليك اسمحيلي شكرا بزاف على المرور حبيبتي ونتمنى تجربيهوترديلي الخبر

__________________________________________________ __________

>>>> الرد الخامس :

روووعة كما عودتينادائما