عنوان الموضوع : الحرشاية او كسرة الشعير طريقة جزائرية
مقدم من طرف منتديات العندليب

مساء الخير اليوم مخضت اللبن و درت معاه الحرشاية او الرغدة او كسرة الشعير كل واحد كيفاش يسميها بسم الله نبدا
دقيق الشعير+ملح و نلمو بماء ساخن ساخن ساخن و نغطيه ببلاستيك و نخليه من 2 الى 3 ساعات باه يطرا الدقيق


بعد مرور الوقت نلقى حبيبات الدقيق طرية نزيدلو القليل من الزيت و نخلط و اذا خاص ماء نزيدلو ثم نحلو في صينية الفرن مدهونة بالزيت و الى الفرن و قادرة نطيب في طاجين الطين المسرح لكن يتعبني العجينة مدللة غير تتكسر و تتفتت و كي يطيب من تحت نشعل من فوق باه تحمار

و بعدما طابت مممممممممم و مع اللبن هاي ليكم

انشاء الله تجربوها لذيذة و تتفتفت وحدهاو بصحتكم مسبقا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك اختي ام كوكو طريقة روعة نجربها و نرجعلك الخبر

__________________________________________________ __________

>>>> الرد الثاني :

بارك الله فيك تشكري على المجهودات

__________________________________________________ __________

>>>> الرد الثالث :

المشاركة الأصلية كتبت بواسطة ام مريم اسراء
بارك الله فيك اختي ام كوكو طريقة روعة نجربها و نرجعلك الخبر

و فيك بركة ام مريم انشاء الله تعجبك

__________________________________________________ __________

>>>> الرد الرابع :

بارك الله فيك

__________________________________________________ __________

>>>> الرد الخامس :

ربي يعطيك ما تتمنى حبيبتى ام كوكو والله كنت نحوس على الطريقة