عنوان الموضوع : خبيزات محشين اممممممممممم طريقة جزائرية
مقدم من طرف منتديات العندليب

السلام عليكم

حبيت نحطلكم هدي الوصفة الساهلة والمليحة واللي تصلح للخرجات ولرمضان ان شاء الله


1كيلو فرينة + 4 ملاعق كبار زيت الززيتون + 1 ملعقة كبيرة سكر + 2 ملاعق صغار خميرة فورية + نص ملعقة صغيرة بيكربونات راح تخفف العجينة والماء الدافئ والملح طبعا نخلط كلش في البيترا ونشكل عجين شوي مطلوق كيما تاع البيتزا وندير العجينة في ساشي اللي كنا فرغنا فيه شوي زيت الزيتون ونربطو مليح ونحطوه في الثلاجة ادا كان عندك وقت ديريه الصباح باش المساء يكون واجد وادا مزروبة ماديريهش في الثلاجة خليه برى باش يطلع


الحشو اللي عندك انا كان عندي لحم مرحي طيبتو مع شوي زيت والبصل مقطع والطماطم والتوابل وشوي هريسة وفي الاخير كيطفي عليه بعد ماينشف مليح ديري مغرف صغيرة تاع موطارد تخليه بنين بزاف وادا كان عندك زيتون فلفل حلو افضل والفرماج

هدي العجينة




هنا درتها في الصاشي




شوفو كيخليتها 4 سوايع في الثلاجة كيفاش ولات روعة




نحو العجينة من الصاشي ونستعينو بالفرينة ونلوزو كويرات ونستفوهم في السنيوة






نحلو الكويرة في يدينا ونديرو الحشو ومن فوق الفرماج ونقفلو








هنا قفلناه وشكلنا الكويرة ونحطوها في السنيوة نخدمو وحدة بوحدة حتى نكملو السنيوة






بعدمانكملوهم نهبطو الكويرة شوي وندهنوهم بزيت الزيتون وندرو شوي زعتر ونخلوهم يطلعو ونكونو شعلنا الفور في هدي الفترة









هنا طابو وتحمرو كيما يحب الشايب ههههههههههههه









وهنا قسمتلكم حبة اممممممممممممممممممم تفضلو بالصحة جربوهم راهم اممممممممممممممممم






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ام ياسو راكي طيبى على المباشر.
راني نستنا في امممممممممم
وقلت ندخل انا الاول .

__________________________________________________ __________

>>>> الرد الثاني :

بعد المفوضات مع ولادك تم العملية بنجاح ههههههههههههههه
ام ياسين يعطيك الصحة خرجت هايلة تستحق التجربه ان شاء الله
تبارك الله

__________________________________________________ __________

>>>> الرد الثالث :

يعطيك الصحة

__________________________________________________ __________

>>>> الرد الرابع :

ليك وحشة يا ام اميرة ههههههههه
ازربيلنا ما تخليناش نسخفو وووووووو

__________________________________________________ __________

>>>> الرد الخامس :

رانا عاملين لاشان ياام ياسين هههههههههه
كما قالت ام ايناسطيبي على المباشر؟؟؟