عنوان الموضوع : طريقة اشعال الجمر طريقة جزائرية
مقدم من طرف منتديات العندليب

شفت مرة ياسملاك قالت مانعرفش انشعل الجمر وباباها هو اللي اشعل حكمتني الغصة كيفاه باباها اشعل الجمر مالا قلت انحط الموضوع في خاطر الشيباني اللي تعباتو بيناتنا حنون كون راجلك نورمال مانحش بصح كيعاد فيها تعب للوالد مالا هاكي كيفاه اتشعليه والوالد خليه ياكل برك
احكمي الشواية حي فيها شوية تراب ولا رمل قيس نص وحطي الجمر الحبات الصغار والكبار حطيهم فوق شباك وحطيهم فوق الطابونة وقوي النار حتى يحمارة مليح من بعد فرغيهم فوق الجمر وزيدي لوحي عليهم ومن بعد خرجي للحوش ولا لاتيراس واحكمي سيشوار وباتجاه الجمر شعليه راح الجمر يتشعل بالخف وماتضليش اتراوحي بالمروحة هذيك
الصور راها في اللي اعتذر عن الرداءة


هذا هنا حطيت الرمل والجمر الصغير



وهنا فوق الطابونة




وهنا لحتو فوق الجمر وزدت حطيت عليه الجمر ابان افي بصح هو مش افي




وهذي بالسيشوار راني اندير في الهوا شوفو بالخف يشعلو




وهذي شواء على ضوء البورتابل ههههههه انعدام الرومنسية عند الجزائرييين






نتمنى اتنكون وفقت وتستفادو من الموضوع انتاعي
دعوة خير لبناتي الدنيا ومافيها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك عندك الحق راهم بزاف ما يعرفوش يشعلو الجمر:d:d:d
طريقتكم هي نفس طريقتنا الله يعطيك الصحة على الموضوع.

__________________________________________________ __________

>>>> الرد الثاني :



__________________________________________________ __________

>>>> الرد الثالث :

شكرًا لك رياحين حفظ الله بناتك وبنات المسلمين جميعا

__________________________________________________ __________

>>>> الرد الرابع :

بارك الله فيك
لكن قد اثبت علميا ان الشواء على الجمر مضر بصحتنا
الله يجعل الخير هبلونا

__________________________________________________ __________

>>>> الرد الخامس :

مشكوووووووووووورة الله يبارك كل صبع بصنعة