عنوان الموضوع : نداء للأخت oum aness وجميع المغتربات من مطبخي
مقدم من طرف منتديات العندليب

السلام عليكم ورحمة الله

اخواتي حابة مساعدة بخصوص تنظيف الدجاج والاحتفاظ به في المجمد
أنا كنت ننظفه عادي ونخبيه لكن مؤخرا جات وحدة من الاقارب قعدت عندي كي لقاتني نظف فيه قاتلي اياك تعاودي تنظفيه
لازم تخبيه كيما راهو وكي تعودي راح تطيبي اجبديه نهار قبل من بعد شوطيه ونظفيه وطيبي انا تخلعت قلتلها كيفاه ؟!!!
قاتلي أنا سمعتها قالها طبيب هنا في القناة الفلانية في الخارج كي تنظفيه ويدخل المجمد راح تتزايد فيه نسبة البكتيريا مع الماء وتؤدي للتسمم
قتلها مي كي تطيبيه يروح كللش
قاتلي حتى لو طيبتيه تبقى
أنا عندي مدة ندير في هاد الطريقة بصح ما ارتحتش عليها مام الكونجيلاتور عدت نعافوا معمر بالدجاج بخماجه

قولولي آسكو صح هكدا وللا لا ونخص بالدكر المغتربات أو كل وحدة عندها معلومة أكيد

ياريت تجاوبوني والله راني في أمس الحاجة للتأكد من عندكم اخواتي الغاليات

وبارك الله فيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و عليكم السلام أختي أنا نغسلو مليح بشوية خل و ملح و نخبيه في الكونجيلاتور ساعات كي نكون مزروبة نلوحو ديراكت في لا كوكوت و الله أعلم راهم كل يوم يخرجولنا بحاجة جديدة

__________________________________________________ __________

>>>> الرد الثاني :

اختي انا ثاني نتبع نفس الطريقة كي نشريو
ديجا مقطع ندير الأفخاذ وحدهم وكل حاجة وحدها مغلفة في بابيي فيلم
وكي نحب نجبد نطيب غير نديكونجليه شوي في مكرواوند ومبعد ننظف مليح ونطيب
هكذا ندير معلاباليش اسكو مليح ولا لا

__________________________________________________ __________

>>>> الرد الثالث :

Je sais pas ma sœur c bizarre !!

__________________________________________________ __________

>>>> الرد الرابع :

حنا رانا في قرون نستعملو هاد الطريقة من الي بان الكونجيلاتور ولدروك حتى حد ما مات بيه ههههههه

__________________________________________________ __________

>>>> الرد الخامس :

ربي يحفظكم عزيزاتي بصح الحد الآن ما عطاتنيش وحدة كلمة أخيرة واش ندير ههههه راني معولة عليكم يا الفحلات