عنوان الموضوع : ~ شبــــــــــــاح الصفرة ~ من مطبخي تفضلـــــوا طريقة جزائرية
مقدم من طرف منتديات العندليب




اهلا وسهلا
موضوعي اليوم على ~\/ شبــــــــــاح الصفرة \/ ~ كل عام قبل رمضـــــــــان الكريم نحضروها ونخبيوها نديروا بيها طاجين حلو ممممممم هي كل وحدة وطريقتها في تحضيرها انا حابة نورسلكم طريقتي وخااااااصة للمبتدئات انشاء الله تستفادوا كلكن من هاذ الموضوع



~ اولا ~ نبدأ بــ : بسم الله

نحتاج الــــــــى :
_ 3 كيلات لوز مرحي رطب ( كيلي بأي وعاء حابة صغير أو كبير ) أنا كيلت بوعاء ( 300 ملل )
_ 1 كيلة سكر ناعم
_ رشة ملح
_ ملعقة صغيرة قرفة
_ م ص زعفران الشعرة
_ بيص حسب الخليط


- في كف يديك حكي زعفران باش يتفتت يرجع رطب مليييح
- امزجي المكونات الكل مع بعض الا البيض راح ندير المرة الاولى صفر بيضة ونخلط باليد أحسن أو العجانة كيما تحبي
- المرة الثانية حطي البيضة كاملة ، والمرة لي بعدها الاصفر وهكذا oOK!



- كي يتجمع الخليط ملازمش يكون متخوم ويلصق بزاف يكون طري لاباس واعجنيه شوي يدخل مليييح في بعضاه

خليه يرتاح حوالي 10د


نحضر فوق واش نحلوا العجينة و un plat نرشوا فوقو غييير شوي فرينة باش من بعد متلصقش بالطبع
نرشوا فرينة فوق واش راح نحللوا العجينة بسمك 1 سم وكيس بلاستيكي فوقها راح يسهل أكيد عملية البسط ونطبعوها الاشكال لي نحبوها ونحطوها في plat حتى تقليوها





الزيت لازم تكون سخــــــــــــــــــووووونة
البياض لي نحتافظوا بيه نغمسو حبات الشباح في بياض البيض ونقليها منخليهاش تتحمر لاان راح نعاود نقليها للمرة الثانية نقليوها المرة الاولى بالخف من الجهتين






وهاهي واجدة قليان المرة الاولى نخليها في الكسكاس نغطيوها بصحن من فوق ونحطوها في الثلاجة

,,,,,,,, في الغد نقيو الحبات من البيض بمساعدة بــ منديل ورقي نقيوها من الشوائب نتاع بياض البيض لي تبقى فيها


ونكرروا نفس العملية -- نغمسوهم في بياض البيض ونقليوهم -- نخليوهم يتحنمروا ميطولوش كي تكون الزيت سخونة والنار ماشي قوية شوفوكيفاش لونهم


وهنا الفرق بين لونهم عند قليهم للمرة الاولي يكون لونهم أصفر فاااتح وللمرة الثانية لونهم أحمر رائع


نحطوهم فوق منديل ورقي باش تزيد تنشف مليح من الزيت


كي تبرد خلاص نزيدوا نقيوها من شوائب بياض البيض
في الاخير تحفظيها في علب بلاستيك لحفظ الطعام وحطيها في الكونجيلاتوغ ما تفسد ماتروح ماتجي هههه

أنا هنا مزالت منقيتهاش



اذا جربتوها وعجبتكم أدعيولي دعوة خير و لوالديا بزاااااايد عليا هههههه

نتمنى نكون قد افدتكم بهذا الموضوع
تقبلوا تحــــــــــــــــــــــياتي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خرجتلك رووووووووووووووووووووعة ليدي مليون

مالا مانطمعش بزاف عطيني صرف تاع مليون خخخخخخخخخ

تاكلوها بالصحة والهناء يارب


__________________________________________________ __________

>>>> الرد الثاني :

امممممممممممممممممممممممم شكرا على الموضووووووووووع الرائع بروحي كنت نحوس كيفاه ينخدموووووووووووووووو شكرا لاناملك الدهبية

__________________________________________________ __________

>>>> الرد الثالث :

شكرا حبيباتي والله فرحتوني هههههههه لينا مبقاليش الصرف ههههههههه
دادو هاهي ليك جربيها
الله يسلمكم شكراااااااااااا

__________________________________________________ __________

>>>> الرد الرابع :

يعطيك الصحة والله خرجتلك تهبل
أنا هذي نموت عليها بصح غالي اللوز بصرايحة الميزانية نهردها بالتبذير وكي نوصل للشباح الصفراء يجيني الاقتصاد هههه
ربي يعطيك ماتتمناي شكرا على الوصفة

__________________________________________________ __________

>>>> الرد الخامس :

روووعة نحب شباح سفرة امممممممممم بارك الله فيك