عنوان الموضوع : خبز هشوووووووووووش وبطريقة جديدة طريقة جزائرية
مقدم من طرف منتديات العندليب





هذا الخبز روعة وهشوش وخفيف وطريقتو تشبه لطريقة عجينة الشو

المقادير/ 4 كيسان فرينة + نصف كاس زيت + مغرفة زبدة + 1كاس ماء +ماء اضافي+ 1ملعقة كبيرة سكر + ملعقة كبيرة خميرة خبز+ملح

الطريقة / نحط في كسرونة كاس ماء+ملعقة زبدة ونحطهم على النار



ولما يبدا الماء يغلي نضيف كاس فرينة



ونخلط بملعقة خشب



ونواصل في التحريك حتى تتجمع العجينة وتولي كرة واحدة



ناخذ هاد العجينة ونحطها في العجانة ونضربها لمدة دقائق باش تبرد شوي



ثم نضيف نص كاس الزيت



ثم نضيف الفرينة الباقية /3 كيسان/ بعد ما اضفت ليها ملعقة السكر وملعقة الخميرة



ونبدا نضيف الماء الدافئ بالشوي بالشوي حتى نتحصل على عجينة طرية ومتماسكة وما ننسوش الملح



نغطيها ونخليها تخمر

وبعد ما تخمر نكورها كريات صغار نحاول يكونو متساويين الحجم

ناخد بالكرة ونحلها بالطول وبالعرض بعد ما نرش الفرينة ثم نلوي ونغلق الحواشي نتحصل على بتي بان




ونحطها في صينية مدهونة او فوق ورق الزبدة ونغطيه ونخليه يخمر





وهنا بعد ما خمرت نحطها في فرن ساخن على درجة 190 في الرف الاوسط وبعد ما طيب من تحت نشعل من فوق



وهنا بعد ما طاب انا ما دهنتوش بوالو خليتو هكاك



ونحطو فوق سياج الفرن باش ما يعرقش لانو هشوش وطري وما يحتاجش باش نغطيه



وهذا الخبز يصلح لسندويتش خاصة للاطفال







>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

رووووووعة كالعادة حنونتي وباااين يشهي تسلم الايادي

__________________________________________________ __________

>>>> الرد الثاني :

تسلمي عزيزتي ام تاجو مرورك الاروع حنونتي

__________________________________________________ __________

>>>> الرد الثالث :

يعطيك الصحة

__________________________________________________ __________

>>>> الرد الرابع :

مممممممم روعة ما شاء الله يعطيك الصحة بصحتكم

__________________________________________________ __________

>>>> الرد الخامس :

هاااااااااااااايل ام ساجد باين هشوش يسلموووووووووووووو