عنوان الموضوع : بيتزا كالزون calzone روووعة من مطبخي بالتفصيل طبخ جزائري
مقدم من طرف منتديات العندليب

بسم الله الرحمن الرحيم
السلام عليكم ورحمة الله تعالى وبركاته
تبارك الله مشاء الله
جبتلكم طريقة تحضير بيتزا كالزون calzone خرجتلي مشاء الله تبحرو فيها عجبتهم بالبزاف وحبوها
وان شاء الله تعجبكم وتجربها ونتمناااااااااا نشوف تطبيقاتكن باسكو مراني نشوف كاع تطبيقاتي (^_~)
المقادير
500غ فرينة
كاس ماء دافئ
ملعقة كبيرا سكر
ملعقة كبيرا خميرة الخبز
ملعقة صغيرا ملح
زوج ملاعق كبار زيت
طريقة التحضير
اولاا
في كاس نحط فيه الخميرة وشويا ماء ونخليها تخمر
وفي وعاء نحط الفرينة ونعمل حفرة ونحط فيها الزيت والخميرة والسكر والملح ونعجن بماء دافئ حتى تتلم العجينة ونعجنها مليح ونخليها تخمر وكي تخمر نقطعها على الحجم الي بغيت ادا حبيت نعمل حبات كبار الي ياكل واحدة يشبع هههههههه نكبر الكويرات على حسب الاختيار انا مكبرتش
ونحل بالحلال ونحط الحشو ملاحضة الحشو اختياري
وبعدها نغلق الحبة كيما ليشوصون وندهنها بحبة بيض ونتقبها ونرش عليها الفرماج باش تجي مقرمشة وندخلها الكويزينيار وبالصحة والهناء
لاحضو الصور تفهمو طريقة التحضير






امانة ادا عجبتكم دعوة خير من قلبكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ض
الله يبارك شهيتينا ربي يخليلك صحتك

__________________________________________________ __________

>>>> الرد الثاني :

الله يبارك تشهي يمم يممم

__________________________________________________ __________

>>>> الرد الثالث :

ما شاء الله

__________________________________________________ __________

>>>> الرد الرابع :

lah ybarek ya3tik el saha okhti

__________________________________________________ __________

>>>> الرد الخامس :

روعة تحفة تهبل يعطيك الصحة