عنوان الموضوع : كرواصون و pain suisse طبق جزائري
مقدم من طرف منتديات العندليب







600غ فرينة
زوج حبات بيض
4 مغاف كبار سكر
2 مغارف كبار خميرة
رشة خميرة تاع الحلوى
ملح ما تشحوش بزاف باش ما يجيش سامط
حليب دافي
300 غ زبدة التورييق




ديري الخميرة مع مغرف سكر و زوج مغارف حليب و خليها تطلع مليييح
و من جهة وحدوخرا خلطي الفرينة مع الملح و رشة الخميرة و البيض و زيديلهم الخميرة اللي طلعت و لميهم بالحليب و اعجنيهم مليييييييييييييييييييييح حتى تولي عندك عجينة طريييييييية خليها تخمررر ملييييييييييح



اومباعد حليها مربع و حطي فيها الزبدة اللي تكوني خدمتيها مليييح بيدييك حتى تولي طرييية



و اغلقيها كيما الرسالة و حليها لشريط طويل و اطويها على 3 كيما نديرو للعجينة المورقة و خطيها فالفريجيدار ربع ساعة
هدا العملية ديريها 3 خطراااات وبسسسسسسسسسس



وهده النتيجة



نا هده درتها فالليل و حطيتها في ساشي و غد منداك لقيتها خامرة هاايلة مي نتي تقدري تديريها سير بلااص
و اخدمي بيها واااش حبيتي
الكرواسون حلي شرييط و اقسميه متلتات و حطي الشوكولا و روليهم و خليهم يخمرو
و البتي بان تان حلي شريط و قطعيهم مستطيلات صغار حطي الشوكولا و لويهم و تان خليهم يخمرو
و pain suisse

حلي العجينة لمستطيل كبيير و ادهنيه بالكريم باتيسياار و رشيه بالفرميسال و الزبيب انا ما كانش عندي و روليه و اغلقيه مليح شمخي صباعتيك بشوية ماء باش ما يتحللكش و قطعيه لاسطوانات انا قطعتو بالخيط
و هبطيهم شوية بيديك و خلييهم يخمرو مليييح







اومباعد ادهنيهم بصفار بيضة و قطرات خل و حليب و زيت راح يعطيهم لمعة تهببببببببببل و طيبيهم
كي يطيبو ادهنيهم بلاجولي و رجعيهم يتحمرو شوية
و النتيجة احلاا معجنااات كيما اللي يتباااعو براا خفااف و مورقيييين

















وهده صووورة جماااعية هههههه








>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حنان الله يبارك جاك تحفة كان انا منك نخاف علي روحي من العين ههههههههه ربي يحفظك ويبارك فيك

__________________________________________________ __________

>>>> الرد الثاني :

ربي يبارك يعطيك الصحة

__________________________________________________ __________

>>>> الرد الثالث :

هاااايل يعطيك الصحة شهيتيني .. بارك الله فيك

__________________________________________________ __________

>>>> الرد الرابع :

الله يبارك روعة يا فحلة الفحلات ربي يزين سعدك و يفرحك

__________________________________________________ __________

>>>> الرد الخامس :

روووووووووووووووووووووعة رووووعة يسلمووو