عنوان الموضوع : سر البنة في حمص المطاعم ......من عند أم كوثر طبق جزائري
مقدم من طرف منتديات العندليب

السلام عليكم
شكون فينا ماكلاتش الحمص تاع المطاعم ؟؟وشكون لي ماتساءلتش علاه نطيبو في الدار ومايخرجليش بنفس البنة؟؟؟
اليوم حبيباتي حبيت نفيدكم بهد السر
وان شاء الله تتحصلي على حمص بنيييييين وكما يديروه في المطاعم
لا بصل لا تقلية لا طماطم ولا تكسار راس هههههه
اليكم الطريقة
حمص منقوع قبل بليلة



نغسلوا ملييح ونحطو في كوكوت فيها ماء سخون
نحضر حبتين متوسطتين من الجزر ونقطعهم وسنات توم


ونضيفهم على الحمص ونزيد 2 مغارف زيت وملح وشوية كمون وتوابل مخلطة وفلفل اكحل



لما يغلي نغلق الكوكوت ونخليه يطيب 45 دلما يطيب
نحضر سنات توم ونفس التوابل ومقدار لوش تع حمص مع المرق تاعو ومغرف هريسة ونرحيهم في ميكسور
ونضيفهم للكوكوت







لما يغلي نغلق الكوكوت 15 دقيقة اخرى ونطفي

حتى يخثااار مليح مالازمش يكون مااايه
التقديم يكون مع القليل من البصل الاخضر والمعدنوس وزيت الزيتون ولي مايحبهمش يقدمه مع زيت الزيتون وحده






بنيييييين وينفع في هدا البرد
تحياتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة شهيتيني يم يم يم

__________________________________________________ __________

>>>> الرد الثاني :

مممممممممممم يعطيك الصحة

__________________________________________________ __________

>>>> الرد الثالث :

يعطيك الصحة ام كوثر على الوصفة


__________________________________________________ __________

>>>> الرد الرابع :

مشكورة يا الغالية على الطريقة

__________________________________________________ __________

>>>> الرد الخامس :

يممممممممممم شهيتيني فيه يعطيك الصحة اختي ام كوثر .