وصفاتيي لحلويات عيد الميلاد قاطو جديد
عنوان الموضوع : وصفاتيي لحلويات عيد الميلاد قاطو جديد
مقدم من طرف منتديات العندليب
قاطووووووووووو الهلال او الشاراك لمعسل
المقادير : 3كيلات فرينة--كيلة سمن مدينةذايبة -- بيضة -- مغرفة كبيرة سكر رطب -- مغرفة فانيليا -- مغرفة صغيرة
خميرة --قرصة ملح --ماء و ماء الزهر
العقدة : 2كيلات لوز --كيلة سكر رطب --مغرفة كبيرة فانيليا و تبليهم بماء الزهر
التحضير : خلطي الفرينة+البيض+الملح+الخميرة +الفاني+السكر+السمن وخلطي مليح وشمخي بالماء وماء الزهر بالشوية حتى تتحصلي على عجينة طرية غطيها وخليها ترتاح على الاقل ساعة ولما ترتاح حليها بعد ما تكوني رشيتي الطاولة بالفرينة ثم قطعيها مثلثات متساوية الساقين وقطعي المثلث الى خمس فتحات(مثل القراوش)وفي نصف المثلث ضعي الحشو وبرميه على شكل هلالوبعدها حطيه يطيب وكي تخرجيه من الفرن عسليه مباشرة في العسل ومرغديه في البيستاش.
ملاحظة:المثلث (يوجد في الاسواق).
قاطووووووووووووو القبعة(chapeau)
المقادير: 500 غ زبدة --كاس سكر رطب --كاس نواتكوكو --باطة فلان فاني --معطر الموز --2بيضات --4 صفار بيض
كاس نشاء --الفرينة
التزيين : نواتكوكو --معجون المشمش مخفف بماء الزهر وورود للتزيين مصنوعة من عجينة اللوز.
التحضير : نخلط كل المواد مع بعض ونحل العجينة بعد ما تكوني رشيتي الطاولة بالفرينة ثم نقطعها دوائر بكاس الاينوكس والاخرى حليها غلضة علة العجينة الاولى وقطعيها بسدادة القارورة وحطي كل واحدة على حدى في البلطو يطيبوولما يطيبو لصقي بالمعجون الدائرة الكبيرة وفوقها الصغيرة ثم اطلي الحبة كلها بالمعجون ومرغديها في النواتكوكو وضعي الورود على حافة الدائرة الصغيرة.
ملاحظة: والنوع الثالث قراوش عادية ومقروط رولي عادي.ارجو ان تعذروني لعدم موافاتكم بالصور وارجو المعذرة عن التاخير وانتضرو مني المزيد عن قريب ان شاء الله
1.jpg (4.9 كيلوبايت, المشاهدات 333) 2.jpg (4.7 كيلوبايت, المشاهدات 328) 3.jpg (5.8 كيلوبايت, المشاهدات 322) 4.jpg (5.9 كيلوبايت, المشاهدات 333)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بارك الله فيك يعطيك الصحة
__________________________________________________ __________
>>>> الرد الثاني :
وفيك بركة شكرا لك
__________________________________________________ __________
>>>> الرد الثالث :
بارك الله فيك أختي ندى راكي وفيت بالشرح يعطيك الصحة
__________________________________________________ __________
>>>> الرد الرابع :
شكرا ليك يا فحلتنا انشاء الله رانا رايحين نديرو الهلال المعسل.............هيا اتحفينا بوصفاتك الراؤعة
.................................شكرا............. .................
__________________________________________________ __________
>>>> الرد الخامس :
قالك بابا يعطيك الصحة راني كليت منو حتى قلت فيكس
رد مع اقتباس
