عنوان الموضوع : ارجو المساعدة فى البقلاوة قاطو جديد
مقدم من طرف منتديات العندليب

السلام عليكم
اخواتى من فضلكم عندى مشكل فى البقلاوة وارجو المساعدة
انا ندير المقادير المعتادة وهى 3 كيلات فرينة بكيلة سمن وشوية ملح ونعجن والحشو 3كيلات كوكاو او لوز بكيلة سكر مع الماء زهر عادى يعنى وكانت تجينى هايلة ولكن للاسف صار عندى مشكل وهو انو كى تكون فى الكوشة يخرجلى السكر ما بين الحبات تاع البقلاوة ويحرق ويصير لونه مثل الكرامبيل
وبعد ما طيب ييبس عليها فارجو المساعدة ارجوكم لانى حابة نطيبها فى العيد انشاء الله
الله يوفقكم ويعتقكم من النار.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يااختي ربي اجازيك انا هدا المشكل الي عندي ودايما اجوايه نتاع الحبة نصيبهم محروقين ومعرفتش منين مليح كي درتيها عندي هدا الرابط والاخت ام سامي دايرة سكر قلاصي ماشي السكر العادي https://87.98.243.211/vb/showthread.php?t=646503

__________________________________________________ __________

>>>> الرد الثاني :

سلام هدا المشكل كان عدي ولقيتلو الحل وأنا مجرباتو
راكي تكثري في السكر بزاف
لازم ديري السكر بشوي بشوي وخلطي
إذا بدات تبان حبيبات السكر توقفي

__________________________________________________ __________

>>>> الرد الثالث :

المشكل هو انك تعملى ماء زهر بزاف لازم تديرى غير
قيس ما يبلل الحشوة فقط ما تزيديش
خاطر كى تطيب تفيض و يخرج السكر من فوق

__________________________________________________ __________

>>>> الرد الرابع :

أختي يا إما راكي مزودة السكر وإما الحشوة طرية يعني مزودة ماء الزهر ياسر والله أعلم

__________________________________________________ __________

>>>> الرد الخامس :

راكي مكثرة ما الزهر لهذا راهي تفيضلك