عنوان الموضوع : مسسسسسسسسسسساعدة ارجوكم قاطو جديد
مقدم من طرف منتديات العندليب

السلام عليكم لبنلت تعيشو حابة ندير القاطو لنعمروه بالنستله و اللوز....الخ بصح مزال مطحتش في وصفة مليحة ارجو ملي تعرف وصفة ناجحة وسياتها تمدلي المقادير ومشكورين مسبقا انا في انتظار الردود


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اختي مافهمتكش مليح يعني عجين ونعمروه بالنستله ؟عندي وصفة بصح كلش مايطيبش ومجربة طبعا اذا حبيتي هكدا نكتبهالك ايه اسمها سلة الشكولاطة

__________________________________________________ __________

>>>> الرد الثاني :

حكمتك يا وحد الستوتة تحطي طلب تاعك هنا وماتطلبيهش مني ههه نزعق معاك برك
صح عيدك وكل عام وانتي بخير وانشاء الله تكوني غاية والله غير توحشتك انتي وفاتي مراكمش كامل تبانو
عندي وصفة ومجربتهة غادي نحطهالك مع لعشية ان شاء الله

__________________________________________________ __________

>>>> الرد الثالث :

يا اختي تقول طليتي على قلبي و الله غير جيت رايحة نكتب موضوع نحوس على هذا القاطو لابات نتاعو
ان شاء الله تفيدونا لبنات

__________________________________________________ __________

>>>> الرد الرابع :

صحة عيدك تمارة وصح عيد كااااااامل لبنات
ههههههههههههههههههههه عاش من شافك والله والو صح جيتي في بالي با نسقسيك بصح ملقيتكش راني نسنا فالوصفة

__________________________________________________ __________

>>>> الرد الخامس :

يا اختي انا عندي الوصفة القديمة لي تجي بلكوكاو المحمص ونيسلي لكن كنت نديرها بكري يعني قديمة بزاف صبري عليا نحوس وين راني كاتبتها
وكاين جديدة حاجة ملفور بزاف
شوفي فيها 500غ زبدة طرية + لافاني بودرة + 3ملاعق كبار سكر مسحوق + 4صفار بيض + حبة بيض كاملة + 6ملاعق كبار ميزينة ونلمها بلفرينة
حطيها في لي مول كاري صغار وطيبيها خليها تبرد
حضري الكريمة تاعك فيها
250 غ زبدة طرية + 250غ فوندو + علبة شكلاطة اومباسادور + عطر كراميل + 100 غ بندق محمص ومرحي خشين
لتزين شكلاطة دائبة وقرقاع
طريقة صنع لكريمة
دوبي الفوندو ب 2ملاعق كبار ماء غالي
وحطي دهان في وعاء خلطي بالباتور وزيدي عليه الفوندو تدريجيا + شكلاطة مدابة + بندق + العطر
وطيبي علبة نيسلي في لاكوكوت لمدة ساعة وربع ادا ماتعرفيش طيبيه قوليلي
ايا حكمي حبة قاطو لي طيبتيها وحدة عمريها نيسلي ووحدة عمريها كريمة ولسقيهم ومن بعد ديريلهم الشكلاط النصف حبة قرقاع
واي سؤال انا في الخدمة
وهادا صورتها

والوصفة لخرى حتى نحوس عليها