عنوان الموضوع : طريقتي في كعكة الشوكولاطة شكل و مذاق لا يقاوم قاطو جديد
مقدم من طرف منتديات العندليب

بسم الله

المقادير

4 صفار بيض
1 كاس سكر عادي
نص كاس زيت
نص كاس حليب دافئ
2 مغارف كبار كاكاو
فنجان قهوة ثقيلة بزاف
2 خميرة كيميائية
2 كيسان فرينة

الميرانغ

4 بياض بيض
كاس سكر عادي
قرصة ملح

القلاصاج

شوكولا قيمة une tablette
كرام فراش
سكر حسب الذوق

التحضير

نخلطو صفار البيض مليح بالباتور ونزيدولو السكر ونخلطو ومن بعد الزيت ونخلطو من بعد الحليب بلا ما نحبسو التخلاط ومن بعد القهوة وبعدها الكاكاو وأخيرا الخميرة والفرينة نحطو الخليط في مول دائري مدهون بالزيت ونلوحوه يطيب مدة حوالي 20 د( عينك ميزانك)
ونحضرو الميرانغ
نخلطو بياض البيض مع قرصة ملح حتى يولي كالثلج نبداو نلوحو السكر غير بالشوي حتى نتحصلو على ميرانغ جامدة
من بعد نجبدو الخليط الاول الي يكون طاب و ندهنوه كامل بالميرانغ نديرو طبقة مليحة ( سميكة) ونشعلو الفور من الفوق ونرجعو المول تاعنا حوالي 5 د حتى تصفار الميرانغ ومن بعد نجبدوه ونكونو وجدنا القلاصاج الي هو : نذوبو الشوكولا في حمام مائي ونزيدولها مغرف كبيرة كرام فراش ومغرف صغيرة زيت باه تبرق وندهنو بيها الطورطة ومن بعد نضربو الكرام فراش بالباتور ونزيدولها السكر حسب الذوق كي تثقال نحطوها في البوش ونزينو الطورطة

ملاحظة

البيض بحرارة الغرفة

شكلها رائع تجي طبقة كحلة فوقها طبقة بيضاء و فوقها قلاصاج اكحل و مزين بالأبيض و المذاق اممممم نخليكم انتم تحكمو كي تجربوها
نشاء الله
نتمنى تجربوها وتعجبكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكورة اختي سوف اجربها وارد عليك ان شاء الله

__________________________________________________ __________

>>>> الرد الثاني :

باين عليها كعكة خفيفة وبنينة بارك الله فيك اختي

__________________________________________________ __________

>>>> الرد الثالث :

المشاركة الأصلية كتبت بواسطة ام خديجة1
باين عليها كعكة خفيفة وبنينة بارك الله فيك اختي

شكرًا لمرورك صح تجي خفييييفة و بنينة

__________________________________________________ __________

>>>> الرد الرابع :

تسلم الايادى سرسورة

__________________________________________________ __________

>>>> الرد الخامس :

المشاركة الأصلية كتبت بواسطة bassamat
تسلم الايادى سرسورة

الله يسلمك يا بسمة المنتدى نورتي بمرورك