عنوان الموضوع : غريبية بشكل جديد و بطعم ايضا جديد قاطو جزائري
مقدم من طرف منتديات العندليب

السلام عليكم جميعا

كثير منا يحب الغريبية و انا اليوم جبتها لكم بشكل جديد و نتمى انها تعجبكم



تفضلن المقادير

الوصفة تدعى غريبية الجنجلان
3كيلات فرينة
كيلة سمن ذايبة
كيلة سكر "نصفها سكر عادي و النصف الثاني سكر رطب"
1/2 كيلة جنجلان محمص و باقي على حالو
شوية فاني
1باكي خمارة
معجون
خلطي كامل المقاديرما عدا المعجون بالطبع و عمريها في قوالب الدزيريات "من الحسن تستعملي ساشي باش تجيك ساهلة و تتنحلك العجينة بلخف" و نحيها و الآن و هي مقلوبة شكلي حفرة صغيرة و عمريها بالمعجون و طيبيها حتى تولي doré
و شهية طيبة
و ان شاء الله تجربوها و تعجبكم
ملاحظة:انا استعملت بول تاع الشربة ككيلة و قطعتلي 40 حبة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك اصحة من فضلك الوصفة

__________________________________________________ __________

>>>> الرد الثاني :

ربي يهديك ...أزربي راني نستنى في الوصفة...si non نجي ليك للدار...ههههههههههههههههههه

__________________________________________________ __________

>>>> الرد الثالث :

المشاركة الأصلية كتبت بواسطة amina44
يعطيك اصحة من فضلك الوصفة

الله يسلمك حنونة

راني كتبت الوصفة و ان شاء الله تعجبك


__________________________________________________ __________

>>>> الرد الرابع :

المشاركة الأصلية كتبت بواسطة chocho2020
ربي يهديك ...أزربي راني نستنى في الوصفة...si non نجي ليك للدار...ههههههههههههههههههه

ربي يهدينا اجمعين

غير ارواحي حتى انا نحب الضيوف مرحبا بيك "لوكان ندري صح تجي ابدا ما نكتب الوصفة غير باش تشرفيني بزيارتك"
راني كتبت الوصفة و ان شاء الله يا رب تعجبك
صح سحورك


__________________________________________________ __________

>>>> الرد الخامس :

ان شاء الله تصلحلي الغريبيه على ايدك

شكرا