عنوان الموضوع : بقلاوة عيد الفطر 2016 من عند شهد العسل
مقدم من طرف منتديات العندليب

المقادير
4كيسان فرينة
كاس سمن ذائب
قرصة ملح رطب او مغربل
فاني
حبة بيض
كاس ماء و ماءالزهر خليط طبعا
اجمعي العجينة ادلكيها شوية قسميها 11 كرية
ديريهم في كيس بلاستيكي ترتاح
العقدة
رطل كاوكاو مرحي
100 غ لوز بقشورو مرحي
100غ جوز مرحي
250غ سكر عادي
مغرف سمن
ماء الزهر
خلطيها شغل راكي تفتلي في الطعام تجي مشتتة
ادهني بلا بالسمن و حلي الكرية بالمايزينة ولازم رقاق بزاف
بين الطبقة و اللطبقة ادهني بالسمن ذائب و فيه مغرف صغيرة خمارة
ديري 6 من الاسفل ثم الحشو ثم 5 من فوق
لوني شوية من العجينة الزائدة بالكاكاو حليها في تاع الرشتة نفس الشيء للعجينة البيضاء و زيني بها كما تحبي انا درتهم متناثرين تقدري تستفيهم انت واش تحبي
الطبقة الاخيرة قبل الرشتة ما تدهنيهاش اظغطي عليها شوية برك بالحلال باش تلسق
وقطعيها مقروطات او مربعات اهنيها بالسمن وديريها اطيب
كتخرجيها اسقيها بالعسل هكاك بارد مباشرة
خليها تبرد و قطعيها و ديريها في الكيسات
و هاهي ليك و صح عيد الجميع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مااااشاء الله اختي شهد روووعة البقلاوة
ولكن عندي سؤال صغير لماذا زدتي الخمارة للسمن
ارجو ان تشرحيلي لاطبقها مستقبلا وعيدكم مبارك

__________________________________________________ __________

>>>> الرد الثاني :

بصحتك البقلاوة وبصحتك الحلو تاع العيد كله جا رائع
وتقبل الله منا ومنكم صالح الاعمال

__________________________________________________ __________

>>>> الرد الثالث :

الله يبارك يا شهد
صح عيدك

__________________________________________________ __________

>>>> الرد الرابع :

المشاركة الأصلية كتبت بواسطة adnan69
مااااشاء الله اختي شهد روووعة البقلاوة
ولكن عندي سؤال صغير لماذا زدتي الخمارة للسمن
ارجو ان تشرحيلي لاطبقها مستقبلا وعيدكم مبارك

الله يسلمك
زدت الخمارة للسمن باش تجي مورقة استيس
وصح عيدك اختي

__________________________________________________ __________

>>>> الرد الخامس :

المشاركة الأصلية كتبت بواسطة امل العاتر
بصحتك البقلاوة وبصحتك الحلو تاع العيد كله جا رائع
وتقبل الله منا ومنكم صالح الاعمال

انت الرائعة و الحلوة يا صحبتي
الهم امين