عنوان الموضوع : حلوى بالعجينة المرحية حلويات جديدة
مقدم من طرف منتديات العندليب

السلام عليكم أتيتكم بحلوى سهلة لا تأخذ من الوقت إلا ربع ساعة
المقادير:
علبة زبدة250غ
6 حبات بيض
2 خميرة الحلوى
لافاني
زاست قارس
فرينة حتى تتلم العجينة
300غ سكر
علية مربى المشمش
الطريقة
:في إناء غامق ديري كل المقادير إلا علبة المشمش والفرينة خلطي المقادير باليد كلها ثم ضعي الفرينة تديرجيا حتى تتلم العجينة تكون طرية قسميها إلى قسمين ثم إدي القسم الاول إبسطيه في صنيوة مرشوشة بشوية فرينة غطي الصنيوة كاملة بالعجينة من بعد فرعي من الفوق مربى المشمش كامل العلبة ومن بعد جيبي النصف الثاني من العجينة وإرحيه من الفوق برحيوة اللي نرحوا بيها الخضرة حتى يتغطى المعجون كامل ومن بعد دخليها الفرن تتحملا شوي كي تبرد قسميها مربعات أو مثلثات
اللي عندها صنيوة كبيرة تضاعف الكمية سأحاول وضع الصور لاحقا نتمنى تعجبكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك

موالفة نديرها تجي هايلة

شكراااااااااااااااا


__________________________________________________ __________

>>>> الرد الثاني :

السلام عليكم شكرا اختي أميرة على مرورك الكريم عندي بزاف وصفات لانوا عندي ديبلوم نتاع صناعة حلويات التقليدية والعصرية نحاول كل مرة نحط نوع إن شاء الله بالصور شكرا أختي على المرور

__________________________________________________ __________

>>>> الرد الثالث :

روعة تسلم ايديك


__________________________________________________ __________

>>>> الرد الرابع :

إممممممممممم هدا يعجبني بزاف و نديرو بصح طريقتك مليحة لاروسات اللي عطاوهالي ميش هاك و البيص قاتلي تلمي بيه العجينة بصح أنا ندير نخلطو مع السكر قبل و ثان قاتلي ديري كيلة ما بين زبدة و زيت نشالله نجرب طريقتك و ردلك

__________________________________________________ __________

>>>> الرد الخامس :

المشاركة الأصلية كتبت بواسطة مريلينا
السلام عليكم شكرا اختي أميرة على مرورك الكريم عندي بزاف وصفات لانوا عندي ديبلوم نتاع صناعة حلويات التقليدية والعصرية نحاول كل مرة نحط نوع إن شاء الله بالصور شكرا أختي على المرور


وعليكم السلام ورحمة الله تعالى وبركاته

ما شاء الله

ان شاء الله أختي سانتظر جديدك

تحياتي