عنوان الموضوع : حلوة بالشكولطة من مطبخ ام اسلام واية قاطو جزائري
مقدم من طرف منتديات العندليب

بسم الله الرحمان الرحيم
السلام عليكم
اخواتي العزيزات
اليكم حلوة بالشكولطة
رائعة ولذيذة
دونتها من المنتدى عندها مدة قدمتها واحد الاخت
جزاها الله خيرا
لكن انا عدلت في الوصفة قليلا
ألي عجبتها الحلوة رايحة نحطلها المقادير
لان الرابط مالقيتوش






المقادير

200غ فرينة
40غ كاكاو مايعادل 2ملاعق كبار
100غ سكر قلاص
2بيض
120غ زبدة
1ملعقة صغيرةبكاربونات
ربع ملعقة صغيرة خميرة الحلوة
رشة ملح +فاني

طريقة التحضير

نخلط الزبدة جيدا مع البيض
ثم نخلط كل المكونات الجافة
بعد ما نكون غربلتيهاونضيفها للخليط الاول
نشكل كريات صغيرة متساوية الشكل نحطهم في سنية ونبعدهم على بعضهم
ثم ندخلهم الفرن متوسط الحرارة لمدة 10دقائق فقط .بعد مايطيبو ويبردو
نلصق كل اثنين بكريمة الزبدة مخلطة مع الكريم شانتي
ثم نزينهم بالشكولطة المذابة وفرميسال الشكولطة
بالنسبة لكريمة الزبدة انانستعمل الفوندون مذوب في حمام مريم
كيبرد شوية نبدا نضيفلوالزبدة مع الخلط بالخلاط الكهربائي
حتى يصبح قوامها كريمي
كمية الفوندون نفس كمية الزبدة
ملاحظة اذا كانت العجينة تتلاصق في اليد تقدري تضيفي كمية من الفرينة ولكن قليلةلان العجينة لازم تكون طرية باش اتكون الحلوة خفيفة
حلوة لذيذة جدا
مع تحياتي
أم إسلام وأية




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

جاتك تهبل حنونة ماذا بيك تعطيلناا المقادير

__________________________________________________ __________

>>>> الرد الثاني :

سخفتينا ويعطيك الهنا

__________________________________________________ __________

>>>> الرد الثالث :

اعطينا الريقة والمقادير من فضلك

__________________________________________________ __________

>>>> الرد الرابع :

بارك الله فيك اختي لوكان حطيتي الوصفة راها اختي ام كوثر نهت على وضع الوصفات بدون مقادير والطريقة وعندها احق في هذا هكذا نفيدو بعضانا

__________________________________________________ __________

>>>> الرد الخامس :

نورتي موضوعي ام خديجة بشان المقادير اسمحولي راني مشغولة شوية لكن رايحة نحطاها اكيد