عنوان الموضوع : بغرير معسل تفضلوااا
مقدم من طرف منتديات العندليب

السلام عليكم ورحمة الله وبركاته
اليوم درت البغرير او كما يسميه البعض الغرايف
المهم تطلب تحضيره حوالى الساعة ومعاها شوى
اول شئ حطيت مقدار من السميد الناعم ومقدار من الفرينة
انا حطيت الفرينة اكثر
وكنت حضرت شوى خميرة الخبز مع سكر وماء دافى باش تطلع
المهم خلطت النواشف وجبت ماء دافى وبديت نحط شوى شوى ونخلط بالباتور ثم اضفت الخميرة مع التقليب
انا المقادير عينى ميزانى المهم الخليط ميكونش ثقيل بزاف ولا خفيف
لما كملت الخلط غطيتو وحطيتو قدام المدفئة باش يخمر بسرعة
تخليه حوالى نصف ساعى حتى يتضاعف حجمه
فى نفس الوقت حضرت العسل او القطر
تحطى فنجانين من السكر مع فنجان ونص ماء فوق النار وتخلطى حتى يثقال يولى كالعسل
وتضيفى مقدار من الزبدة وتحركى وتحطيه فى صحن لما يجهز
يالنسبة للبغرير بعد ما يتضاعف حجم الخليط
تجيبى مقلاة وتحطيها فوق النار حتى تسخن وتدهنيها بمسحة زيت وتحطى كمية فى المقلاة وتلاحظى ظهور الثقوب تعرفى بانها جهزت
وهكذا حتى تكملى الكمية وخليها تبرد
اترككم مع الصور














هنا بعد ما حطيت العسل




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بصحتكم ماشاء الله يقولو عندنا الي يثقبلها البغرير زوجها يحبها كثير إن شاء الله يكون يموووووووووووووووووووت عليك

__________________________________________________ __________

>>>> الرد الثاني :

الله يبارك خرجلك يهبل

__________________________________________________ __________

>>>> الرد الثالث :

هايل يعطيك الصحة وغدوة نروح نسييه انشاء الله يتتقبلي ههههههههههههههه راكم فاهمين لاه.ادعولي يتقبلي ههههههههههههه ربي يعيشك اختي

__________________________________________________ __________

>>>> الرد الرابع :

الله يبارك خرجلك هايل

__________________________________________________ __________

>>>> الرد الخامس :

المشاركة الأصلية كتبت بواسطة miri_27
بصحتكم ماشاء الله يقولو عندنا الي يثقبلها البغرير زوجها يحبها كثير إن شاء الله يكون يموووووووووووووووووووت عليك

شكون هذا يا لالا هههههههه منيش متزوجة
بابا يحبنى هههه