عنوان الموضوع : بيتزا رقيقة جدا في الطجين لن تندموا من مطبخي
مقدم من طرف منتديات العندليب

احضرت لكم اليوم بيتزا الطجين تجي خفيفة وبنينة بزاف ورقيقة على ضمانتي اليكم المقادير
كيلو فرينة كاس كبير زيت ونبسوهم مليح مع بعض ربع ملعقة صغيرة خميرة الخبز و1خمرة كيمائية نورة ومغرف مايزينة كبيرة نخلطو كل شيء مع بعض ونلمو بالحليب الدفئ نعجنها غير شوية ومن بعد نخليها تريح 10د نكونو محضرين ضلضة الطماطم نسخنو الطجين تاع الحديد مليح من بعد انقسولو لتسهيل العمل نقوم بتقسيم العجينة الى كويرات صغيرة مثل المعارك نقوم باخد الكرية الاولة ونحلها بالحلال بشكل دائري حتى تصبح رقيقة جدا شففة نحطها على الطجين لنصف دقيقة لم تحمر قليلا نقلبها ونضع صلصة الطماطم وكل الوزم الزيتون والفرماج الخ ننزعها من الطجين وتكون جاهزة للاكل نضيف المايونيز وبصحتكم للاضاحة نحط صلصة الطماطم على الجيهة ليحمرنها شوية
جربوها ولن تندمو كانها من المحلات ليتسييها ترجعلي لخبر


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة
دائما نعملوها في الصيف و تجي رقيقة صح و فيها بنة الطجين روعة

__________________________________________________ __________

>>>> الرد الثاني :

يعطيك الصحة
دائما نعملوها في الصيف و تجي رقيقة صح و فيها بنة الطجين روعة

__________________________________________________ __________

>>>> الرد الثالث :

موالفة نديرها

انا مانحبش البيتزا بصح زوجي عجبته

__________________________________________________ __________

>>>> الرد الرابع :

حكاتلي عليها بنت عمتي ونسيت الوصفة
مشكووووووووورة

__________________________________________________ __________

>>>> الرد الخامس :

يعطيك الصحة يااختي