**--** غريبيية **--** قاطو جزائري
عنوان الموضوع : **--** غريبيية **--** قاطو جزائري
مقدم من طرف منتديات العندليب
اليوم جبتلكم غريبية وصفة ماما الله يرحمها
احلى غريبية كليتها في حياتي
كيلة سمن مدينة (كيل بول تاع شربة )
خمس مغارف كبار سكر قلاصي(سكر رطب)
قرصة ملح
شوية فاني
فرينة
نذوب سمن ونخليه يبرد و نخلطو مع السكر
نخلط مليح
نزيد قرصة ملح و الفاني
و نبدا ندير الفرينة غير بشوية
ونطم بلا منعجن
حتى تولي تقدري تشكليها
شكليها كويرات
ولا ديري حربوش وقطعيها مقروطات
ولا بالطابع تاع المعمول
ديري شوية قرفة فوق الحبة ولا جلجلان
انا درت لوز افيلي
ديريها في فور مسخن من قبل ونقصي درجة الحرارة
باش تعرفي بلي طابت
هذي عفسة قالتهالي ماما
( فوتي صبعك على الحبة اذا كانت حرشة يعني مرملة طفي عليها )
نفتح الفور و نخليها داخل تبرد
ان شاء الله تعجبكم و ادعو لماما بالرحمة و الفردوس
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحه روعه باش قطعتيها
__________________________________________________ __________
>>>> الرد الثاني :
المشاركة الأصلية كتبت بواسطة goumar 
يعطيك الصحه روعه باش قطعتيها
قطعتها بهذي
__________________________________________________ __________
>>>> الرد الثالث :
روووووووووووووووووووعة
يعطيك الصحة
__________________________________________________ __________
>>>> الرد الرابع :
شكرا جزيلا
__________________________________________________ __________
>>>> الرد الخامس :
رد مع اقتباس
