عنوان الموضوع : حلوة المشيمش من مطبخي بنيـــــــــن بزااااااااف قاطو جديد
مقدم من طرف منتديات العندليب


حبيت نشاركم حلوى من مطبخي بزاف هايلة و وبنينة وخاصة تليق بالاعراس وهي حلوة المشمش تجي بعجينة اللوز

اليكم المقادير

رطل لوز بلا قشور
رطل فونطون fondant لي نديروه فوق الميل فاي يجي ابيض في بايط ديال 500غ تصيبوه عند لي بيبع لوازم الحلويات
مغرف صغيرة لافاني

التحضير

نرحو اللوز رطب fin وفي كل مرة نغربلو ونعاودو نرحو هذاك الخشين لي في السيار حتى نكملو الكمية وباش يترحي مليح مليح نزيدو 2مغارف كبار سكر قلاصي
وبعد ما نرحوه نحضر يان او باسينة صغيرة نحطو اللوز ديالنا مرحي نضيفو رطل فوندون ثم مغرف صغيرة لافاني ونخلط مليح بالاصابع حتي نتحصل على عجينة
ملاحظة هامة لازم الكيل تاع اللوز كيما الفونطون رطل برطل كيلو بكيلو
كي نتحصلو على عجينة نقسمها على 3 قطع
نلون القطعة الاولي بلون اصفر اي نحضر عطر الليمون l’extrait de citron نعمل قطرة منو ونظيف الملون الاصفر ياك يجي غبرة poudre ولون العجينة ندخل اللون مليح في العجينة ثم نعمل حربوش ونقطع مقروضات باش الحبات يجو كامل متساويين ثم نكورهم نتحصل على كويرات صفراء
نروحو للقطعة الثانية لونوها بعطر الفرولة فراز او cerise مانظيفوش الملون لاخطرش العطر يجي احمر ماشي كيما عطر القارص يجي نوعا ما شفاف حنا زدنا الملون باش نتحصل على لون اصفر
ونعمل نفس الطريقة حربوش ثم نقطع مقروضات ثم كويرات
ثم القطعة الاخيرة لونوها بلون الاخضر نستعمل عطر البستاش او التفاح ونعمل نفس الطريقة
بتالي نتحصل على كويرات ملونة بثلاثة الوان ثم نجمع كل 3 كريات وحدة روز وحدة صفرة وحدة خضرة نحطوهوم في يدينا ونعاودو نكوروهم غير بشوية مانضغطوش بزاف باش نحافظ على الالوان الثلاث ثم نعمل حفرة في الوسط ونضع حبة كرز cerise او اي حشوة مثل حشوة البيمو ونعاود نكور ثم نمرمد في السكر عادي cristallisé
نحضر النقاش ونبدا نقش في الحلوة عشوائيا يعني مرة عموديا ومرة افقيا ومرة من تحت ومرة من فوق وفي الاخير نضع ربع حبة كرز من فوق الصورة رايحة توضحلكم





هذي العجينة نقدر نشكل بيها الفواكه كذلك نعمل بيها الكفتة
جربوها ورايحة تعجبكم اكيد بصحتكم
ملاحظة : نستطيع استبدال اللوز بنواد كوكو



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك عاى الوصفة

__________________________________________________ __________

>>>> الرد الثاني :

باين هايل الف شكر حنونة

__________________________________________________ __________

>>>> الرد الثالث :

المشاركة الأصلية كتبت بواسطة بشرى2008
بارك الله فيك عاى الوصفة

وفيكي بركة عزيزتي بشري شرفني مرورك


__________________________________________________ __________

>>>> الرد الرابع :

المشاركة الأصلية كتبت بواسطة بنت عين وسارة
باين هايل الف شكر حنونة

لا شكر على واجب حبيبتي بنت عين وسارة جربيه وشوفي شحال هايلة مشكورة على المشاركة


__________________________________________________ __________

>>>> الرد الخامس :

مشكورة حبيبتي الحلوة باينة هايلة
هاذا ماعر فتوش
رطل فونطون fondont ل