عنوان الموضوع : درت مسكوتة وماحبتش تتنحى من المول حلويات جديدة
مقدم من طرف منتديات العندليب

لبنات عاونوني درت مسكوتة وماحبتش تتنحى من المول رغم اني دهنت المول بالزيت والفرينة الاانها لسقت فيه

قولولي واش نديرها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خليها تبرد شوية

__________________________________________________ __________

>>>> الرد الثاني :

كيما قالت الاخت لي قبلي خليها تبرد وحاولي
معاها بالسكين وعلى حسب المول لي درتي فيه
وادا ما بغاتش تبانلي قطعيها في المول
وخرجيها بالسكين والمغرف باش ماتضيعلك
وتروح خصارة وشوفي كيفاش تزوقيها والمرة
الجاية ديري الورق مخصص باش بالك يقعد مريح

__________________________________________________ __________

>>>> الرد الثالث :

يكون مدهنتيهاش مليح برك
لاني ندهنها بالزبدة مليح او الزيت انا ندير الزبدة وتزيدي فيها الفارينة ممكن نسيتي لبلاصة ولا المول نتاعك لبلاصة هاذيك رشات شوية

__________________________________________________ __________

>>>> الرد الرابع :

مشكورين لبنات ....

راني قلبتها على فمها وغطيتها بسربيتة وخليتها شوية ومن بعد هزيتها شوية تنحات من المول بصح لسق منها شوية في المول رغم اني دهنتو مليح بالزيت ورشيت عليه الفارينة كامل

بصح لبنات ماجاتنيش خفيفة جاتني شوية ثقيلة مانعرف لاه

ودرتها هكذا ب
4 بيضات- 8 مغارف ماكلة سكر- 8 مغارف ماكلة زيت-8 مغارف ماكلة حليب - 8 مغارف ماكلة فرينة - 1شكارة خميرة -
دربت الابيض نتاع البيض وحدو ودربت الاصفر وحدو +الزيت والحليب والسكر والفرينة والخميرة ومن بعد ضفت الابيض المدرب وخلطتو بالشوية ودرتها تطيب على 180درجة لمدة45د وماحليتش عليها لفور بعد نص ساعة


بصح راني نحوس على مسكوتة تجيني خفيفة كيفاش نديرها

بارك الله فيكم

__________________________________________________ __________

>>>> الرد الخامس :

جربي مسكوتة les charlottes راني حطيتهم في المنتدى ماتتخيليش واش خفااااااااااااااااااااااااااف تقول مشريين
ماتتقيديش بالمول تقدري تطيبيهم في مول المسكوتة العادي و بعد ما تطيب تدهني بالكونفيتير او super crème