عنوان الموضوع : كارثتي في الرياضيات ... اسمعوا يا ناس للاولى ثانوي
مقدم من طرف منتديات العندليب

السلام عليكم ورحمة الله تعالى وبركاته
كيف الحال؟؟
أنا لست بخير بسبب مادة الرياضيات
ندرس عند أستاذ ... الله يهديه
الناس كامل تشكي منو
ميقريش إطلاقا ... وزيد وشنهي
الساعتين يديهم خارج داخل من القسم
هاز التيليفون ويخدم بيه
ومبعد يولي يحلف فينا يقوللنا لي يقول منيش فاهم
تشوفو كيفاش نديرلو
داير روحو راه يقري مليح وزايد يحلف فينا...
آآآآآآآآآآآخ يا ناس قولولي كيفاش ندير ؟؟؟
سقساتنا أستاذة العلوم قالتلنا عند من تقراو رياضيات ؟؟
كي قلنالها عند ........... ( لن أذكر الإسم مع أنو ميستاهلش نخبيه )
سكتت ... والله غير الأستاذة بهتت ومبعد غيرت الموضوع مباشرة
وأستاذة الفرنسية قالتلنا متعتامدوش عليه
أقراو وحدكم في الدار أو ديرو جماعات وأقراو مع بعض
والمشكلة أني بعيدة على لبنات لي يقراو معايا
يعني منقدرش نروح ليهم
وأنا والله غير نحب هاذي المادة بصح الله غالب ....


=======================
الحصول : أنا كسرتلكم روسكم معايا شوي باش تعطوني تمارين أو شرح
دروس باسكو قلبت الإنترنت رأسا على عقب وملقيت والو
ملقيتش الحاجة لي نحوس عليها
أرجووووووووووكم عاونوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا مستعدة باش نساعدك بصح حديلي الضبط واش اللي ماكيش فاهماتو

=========


>>>> الرد الثاني :

حددي لي مالم تفهميه بالظبط اختاه وان شاء الله سأساعدك

=========


>>>> الرد الثالث :

شكرا جزيلا لكما
الصراحة :
تحوسو تعرفو واش مانيش فاهمة
الصراحة الصراحة :
واااالو
والله ماني فاهمة والو إطلاقا
كي نهز الكراس أو الكتاب في الدار ونشوف روحي
ماني فاهمة والو نعود رح نبكي

=========


>>>> الرد الرابع :

الله يستركم عاونوني
الله يستركم

=========


>>>> الرد الخامس :

هههههه والله لوكان نقدر نعاونك لكن انا تاني راني مكملا في الرياضيات مع انو الاستاذ مليح مي المهم غادي نحاول نشرحلك كاش درس منها انا ونتي نستفيدو في نفس الوقت

=========


ربي يهديهم


استعيني بالتمارين المحلولة في الكتاب المدرسي
اشتري كتاب خارجي أنصحك بكتاب الجديد
حاولي اقراي دروس الكتاب وحدك و فهمي روحك
بالنسبة للدراسة الجماعية ماهيش مفيدة لذاك حاولي تقراي وحدك و لا استعيني بالدروس الخصوصية

مالا احنا في نفس الحالة عندنا حالاستاذة ربي يهديها نهار كامل وهي تعيط بالتيليفون، تسقسي الاساتذة عليها يقولولك مليحة
ومن افضل الاساتذة بصح تسقسي التلاميذ يقولولك تعوق وماتقريش، ونهار قالتلنا المراقبة ربي معاكم، حتى هي تقولنا راني 31 سنة
وانا نقري بصح والو، يعني استاذ يعرف يقري وعندو خبرة طويلة ما يعطيولوش غير تلاميذ تاع الاولى ثانوي وتاع الميكانيك
يعني انا صعيبة باش نقول استاذ راهو مليح خاصة انا قريت العام الماضي عند استاذة ماشاء الله في القمة باعتراف من التلاميذ
والاساتذة والمراقبين وانا هههه.. يعني نهدر مع صحاباتي كامل نقولو شكون اللي يجيبلنا هادي الاستاذة نورمالمو هي فالليسي ماشي
فالمتوسط وحتى فالاولى والتانية والتالتة متوسط قرينا عند اساتذة يعرفو يقريو + الاستاذه هادي تخدم دروس خصوصية
كانت ب5000 دج وولات ب 3000 دج وغير سقسينا اللي يقراو معانا ويخدمو عندها قالولنا مام فليقور وماكاتفهمش
قالولنا بصح تعطيك لسوجي تاع الاختبارات .. يعني ربي يهديها بكل معنى الكلمة ولو نجيب حكايات تاعها مايخلاصوش
المهم انا نقولك اقرا واعتمد غير على روحك كيما نخدم انا وكيما لازم نخدمو كامل فالليسي وادا حبيت نعاونك فالتمارين باسكو انا نعرف نفهم
صحاباتي فالتمارين برك ومانعرفش نفهمهوم فالدرس
وبالتوفيق ان شاء الله..