عنوان الموضوع : يا جماعة راني محتاجتكم. للثانية ثانوي
مقدم من طرف منتديات العندليب

السلام عليكم
اذا كنت لاافهم شيء في مادة الفرنسية معناها 0فيها وش راح نعمل قولولي كيفاه والله راني محتارة في امري ومش عارفة وش نعمل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي لا يوجد شيء اسمه لا أفهم او لا أستطيع فعلى علمي احد الفلاسفة يقول وعلى ما أظن ديكارت
" أنا أفكر اذن أنا استطيع وانا استطيع اذن انا موجود"
أختاه حاولي المراجعة مع الشرح بالعربية عن طريق القاموس أو الاستعانة بأهلك وأفهمي دروسك وحاولي تجيبين
توكلي على الله وراجعي قواعد الفرنسية جيدا وحاولي فهم النص والله يعينك
موفقة بإذن الله

=========


>>>> الرد الثاني :

نقولك راني حاولت بصح شفت روحي اني مازلت مش نفهم فيها

=========


>>>> الرد الثالث :

السلام عليكم

يا اختي مع الارادة حتى حاجة ماواعرة

ادا كانت القواعد هي اللي دايرتلك حاجز والفرنسية
ديري في بالك كامل الناس كيفك
وجيبي ولا اشري كتاب تاع فرنسية للمبتدئين
ماتحشمي من حتى واحد

خاطر اللي يحشم عمره ما يتعلم وانتي حابة تتعلمي
وفي ظرف سنة على الاكثر راح تولي تطيري في الفرنسية

خاطر عندك حاجة الناس ماعندهمش
اللي هي الارادة


ادا كان المشكل تاع نطق اقصد الهدرة
اختي اتفرجي اخبار ...افلام...وحتى رسوم متحركة بالفرنسية
وكي يهدرو اهدري معاهم

ماتحشمي من حتى واحد ياك تكوني في داركم


وربي مع الارادة راح يجيبلك الخير

الفرنسية ساهلة ادا عرفتي قواعدها

ربي ينجحك


سلاااااااااااااام

=========


>>>> الرد الرابع :

اختي نقلك انا حاجة راكي تعرفي لفرنسي وشيه برك
زعمة في لفرنسي ننطقو لكلمة قدقد بصح في هدرتنا الدارجا نهدرو فرنسي مكسرة كون تركزي مع النص الي يعطوهولك و تركزي مع كلماتو راح تفهميه و كيما تفهيه ركزي مع الاسئلة و بربي انشاء الله راح تقدري تجاوبي هو كلشي عل التركيز

=========


>>>> الرد الخامس :

واش رايك لوكان تحفظي كل يوم 10 كلمات على الأكثر

بالفرنسية ، وتحفظي تاني معانيها بالعربية

وتقراي في هاذ العطلة حوالي 10 نصوص متوسطة وتفهمي أغلب الكلمات اللي فيها

هكذا تنمي رصيدك اللغوي اكثر واكثر ، لأن اللغة -اي لغة-هي عبارة عن مفردات بالدرجة الاولى

القواعد ليست كثيرة ..

هيا سارة كل يوم اكتبي هنا في هاذي الصفحة 10 كلمات بالترجمة ديالها ، جيبيها من النصوص اللي تقرايها

سواء من الكتاب المدرسي او من مواضيع مقترحة ..

نحفظوها كامل كيفكيف ان شاء الله

ولا نقولك ، نهار بنهار ، 10 عليك و10 عليا ..

هيا ، ابداي انتيا ..رانا نستناو فيك (f)

=========


السلام عليكم اختي
علابالي بلي انتي لي حاطة فراسك فرونسي واعرة
مي ركزي معاها مليح و سيي تفهمي عن طريق ترجمة الكلمات
*+*+*+*+*+*
مش شرط تفهمي كلش المهم تقدري تفهمي معضم الحوايج
لانو اي لغة مش من الممكن تفهمي كلش
حاولي بالكلمات لي قصيرة و سهلة
و من تم ميعودش عندك مشكل
*+*+*+*+*
حاولي تفهمي لي تون تاوع conjugaison
و نتمنالك التوفيق


اختي عندي واحد الحل ليك يعجبك.روحي اقري كتب فرنسية .وكل ماتلقي كلمة مافهمتيهاش ترجميها من القاموس ونحبك ترجمي بالكلمة .وشوية شوية تلقاي روحك وليتي فور .ابدي مع الاول بالكتيبات الصغيرة وابدي طوري في نوعية الكتب بالشوية.وصدقيني هذي الطريقة تنفع جربيها وتاكدي

شكرا لكم على النصائح القيمة وبمعينة الله اولا وبارادتي راح نحاول والله الموفق شكرا مرة اخرى.

صديقتي نحن جميعا كنا ال نفهم الفرنسية لكن مع :
1/ الارادة
2/ المحاولة
3/ارتكاب الاخطاء مع محاولة التعلم منها
4/المتابعة المستمرو
5/المراجعة
6/تخصبص كل يوم 1سا لقراءة الفرنسية
7/ الاستماع اليها ستنجحين ان شاء الله