عنوان الموضوع : مساعدة بشأن العلوم (adn)!!!
مقدم من طرف منتديات العندليب

لمادا يتم قياس طول ADN عادة بعدد ازواج النكليوتيدات(القواعد الآزوتية)
انا انتظر ردكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام
ممكن توضح سؤالك مليح على خاطر مافهمتش وش تقصد ..........؟؟؟؟؟
المهم انا علابالي بلي ال ADN طول اللفة فيه هو 3.4 نانو متر اي 10 قواعد آزوتية و البعد بين كل قاعدتين هو 0.34 نانو متر و اذا حبيت نشرحلك فسر السؤال تاعك برك

=========


>>>> الرد الثاني :

وجدت هدا السؤال في الكتاب المدرسي ص 116 في استرجع معلوماتي السؤال 2 بعد التعريفات

=========


>>>> الرد الثالث :

يا أخي تحسب بشكل أزواج لانه القواعد الآزوتـــية في جزيئة الأديان مرتبطة على شكل أزواج ان شاء الله فهمت قصدي وتلقى مخطط ص 107 اعمال واطسن وكريك كتاب مدرسي

=========


>>>> الرد الرابع :

قولولي برك عن الاليله والمورثه كيفاااه ما فهمتهاش مورثه يعني 2 اليله او عكس او اسمو عامل مش اليله ؟؟؟؟؟ ارجو الرد

=========


>>>> الرد الخامس :

سلام
لدينا ال ADNيتكون من اربعة انماط من النيكليوتيدات كل منها يتكون من قاعدة آزوتية و حمض الفوسفور و سكر خماسي {ديزوكسي ريبوز }
و ال ADNيتكون من سلسلتين من متعدد النيكليوتيدات حيث تكون السلسلتين متعاكستين في الاتجاه في شكل حلزوني ترتبطب مع بعضها عن طريق القواعد الآزوتية A مع Tبرابطتين هيدروجينيتين و C مع G بثلاث روابط هيدروجينية
لازمك تتخيل تركيب ال ADN في بالك ولا شوف كيما قالتلك الزميلة في الصفحة رقم 107
معناها ال ADN فيه تحسب الطول تاعو بعدد أزواج القواعد الآزوتية {النيكليوتيدات }
لأنها هي نفسها تتكرر الاختلاف يكون غير في القواعد الآزوتية و انت تعرف تاني انو ال ADN متشابه عند جميع الكائنات الحية تختلف فقط في تسلسل و ترتيب و عدد القواعد الآزوتية
معناها يهزو النيكليوتيدات و يحسبو بيهم ماكالاه يحوسو على كاش وحدة ولا حاجة اخرى
كون جات كاينة حوايج اخرى تدخل في التركيب الكيميائي لل ADN و تختلف عند الكائنات الحية مثال حاجة تلقاها عند البشر ماتلقاهاش عند الحيوانات تم صح نوليو نحوسو على طريقة اخرى لقياس طول ال ADN و ذلك بايجاد وحدة جديدة له او ماشبه ذلك
المهم مانقدرش نشرحلك هكدا التواصل ضعيف مي ان شاء الله تكون فهمت و لكان مافهمتش معليش قول نزيد نشرحلك اكثر و ربي يوفقك و الكل ان شاء الله


=========


المشاركة الأصلية كتبت بواسطة جنان الخلود
قولولي برك عن الاليله والمورثه كيفاااه ما فهمتهاش مورثه يعني 2 اليله او عكس او اسمو عامل مش اليله ؟؟؟؟؟ ارجو الرد

سلام اختي آسفة مازلنا ماوصلناش لدرس الطفرات و المشكل انا مانيش فاهمتو و الاستاذة كلفتني بتقديمو اذا قدرتي اكتبيلي الدرس لي درتوه و مشكورة و نوعدك ان شاء الله نهار نكملو الدرس تاعنا نشرحهولك بربي ان شاء الله


لا داعي للخوف من صوت الرصاص..... فالرصاصة التي تقتلك لا تسمع صوتها