عنوان الموضوع : ساعدوني في فك عقدتي للثانية ثانوي
مقدم من طرف منتديات العندليب

يا خاوتي حالتي النفسية منهارة و راني نحس روحي معقدة:
-عندي استاذة في الرياضيات تفهم و تدير لي عليها و لكن الله غالب ما تقدرش توصل المفهوم يعني مو انا وحدي كل القسم و على هذه كل القسم يدير دروس خصوصية و لكن انا حبست في الدالة و باقي الدروس مو فاهمتها حبيت نقراها و حدي و نفهمها بصح نحس روحي عاجزة وما نقدرش لا نراجع و لا ندير حاجة و تاني استاذتي تزير في التصحيح لانها تحب التعبير و البرهان اثناء الحل و راني خيفة نهار الامتحان راني حاسة لوكان نتعب يروح التعب في الهواء
-عندي استاذة في العلوم نفس الشيئ كيما الرياصيات و نفس الشيئ بالنسبة للفزياء و الانجليزية و ما ننساش استاذ الفرنسية كاتب يعني مااا نطمعش ااه و احسن معدل في القسم13 ما تستغربةش مع كل القسم يقرئ درنا اضراب و قالونا عندكم الحق غلطتنا بصح قالو العام الجاي يعوضونا اة ما نعرف انا العام المقبل ان شاء الله نصيب هاد الاساتذة نبدل ديجا هاد العام لي يعرفو بدلو قريب 8 تلاميذ

قربوا الامتحانات و الخوف تملكني و مانيش قادرة نتغلب عليه و ماعرفتش ندير برنامج لروحي و ما يسلكوني غير خاوتي لي في منتديات العندليب

انا صح نخدم للباك ولكن نخس روحي ما نقدرش نجيب الباك كيما راني حابة حطموني كنت نجيب 15 16 معدل وليت نجيب 12
عاونوني نقرى و ندير جهدي و لا المهم ننتقل كيفاش ندير
واش راني نقول ماشي لعب عاونوني تعيشوا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

من جهتي أنا مستعد نساعدك فالرياضيات و الانجليزية


برك ديري موضوع و نتناقشوا فيه في أي وقت

=========


>>>> الرد الثاني :

thnks broth

=========


>>>> الرد الثالث :

أنا فقط نقدر نعطيك موقع تدخلي فيه (إنها مدونتي) تقدري تدي منها الملخصات لدروس العلوم من كتابي الخارجي و نماذج الإمتحانات ... إلخ و إن أردت أي شيء يمكنكي أن ترسلي لي رسالة عبر مدونتي بترك تعليق أو التواصل عبر السكا يب إسمي هو (amel_messous) و بالتوووووووووووووووفيق أختي.




https://2as-amel-messous.blogspot.com/


=========


>>>> الرد الرابع :

اختي كلنا مستعدون للمساعدة وان شاء الله نتوفقو كلنا
رانا هنا اي حاجة تسحقيها ولا اي درس ما فهمتيهش رانا هنا وفي اي مادة حبيتي

=========


>>>> الرد الخامس :

اختي فهيني انت 2 ولا3 ثاناوي باش نساعدك

=========