عنوان الموضوع : التحضير لبكلوريا2015 سنة 2 ثانوي
مقدم من طرف منتديات العندليب

من فضلكم كل واحد يقترح البرنامج تاعو لهدي العطلة و اشاء الله نستفيدو كامل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا اختي كيما قالك نتعب عام ومبعد نستراح عطلة كامل راح نجيبها قرايا و تحضير عندي يومين فقط تاع عرس وباقي قرايا

=========


>>>> الرد الثاني :

بصح هكدا تملو وتكرهو وثآني تتعبو

على الاقـل نريحوآ شوي ونبدآو

نور الهدآ متعبيش روحك بزآف...راااه جاينا السهر والتعب غيـر هو ^^

مش مليح الضغط بزآفـ


انا مزال مكملتش الاختبارات

نريـح ومنبعد يكون لي عودة لهذا الموضوع ،،،


=========


>>>> الرد الثالث :

عندك الحق أختي لازم نتعبو هدي العطلة باه كي ندخلو تكون عدنا الطاقة أكتر و نقدرو نقراو عل راحتنا بصح ما قلتيوش لبرنامج بالظبط واش نديرو

=========


>>>> الرد الرابع :

على الاقل ساععة في اليوم

=========


>>>> الرد الخامس :

أخواتي لازم نستدركو نقاط ضعفنا ونرجعوهم نقاط قوة حتى ندخل السباق بقوة وتفوق وكاين مثل يقول
زواج ليلة تدبارو عام وحنا اختبار سمانة تعبو سنين خصوصا عام الباك شخصيا مش رح يرف لي جفن ونحس بالراحة حتى نحقق مبتغايا ان شاء الله ونبين لكل من كان يضن بانني غير قادرة على ذلك العكس لذا مش رح يروح تعب سنين في ايام راحة فالراحة الحقيقية نهار نجيب الباك باذن الله بمعدل مشرف

=========


المشاركة الأصلية كتبت بواسطة المتفآئلة
بصح هكدا تملو وتكرهو وثآني تتعبو

على الاقـل نريحوآ شوي ونبدآو

نور الهدآ متعبيش روحك بزآف...راااه جاينا السهر والتعب غيـر هو ^^

مش مليح الضغط بزآفـ


انا مزال مكملتش الاختبارات

نريـح ومنبعد يكون لي عودة لهذا الموضوع ،،،

لالا لازم نتعب ياو راه باك وزيد انا مش نوع لي يسهر لذلك مدام عندي الوقت نجهز روحي من دوك


تعيشو خاوتي مخي راه مشوش ماعلاباليش كيفاش ندير وماعنديش شكون يفهمني ظظظظ



ولا عندكم طريقة ولا فكرة افيدونيي


جزاكم الله لكم خيرا

مام انا معنديش شكون يفهمني و منديش كرارس الباك وحابةنقرا من دوك و الله غير حصلت

اختي المتفائلة
عجبني توقيعك هل يمكن ان اضعو


شوف إدا كان عندك مشكل في اللغات جمعي مواضيع مختلفة و حاولي تحلي كل نهار واحد أما بالنسبة للمواد العلمية راجعي الشيء لي قريتي العام هدا و العام لجاي بإدن الله ركزي مليح مع الدروس علاه أم هما و نزيدو فيهم شوية . و بالتوفيق نشاء الله

ana lazam nabda nrévisis men had essayf bssh habba nrayyah chwiya bah nabda blk fi début ta3 juinn nabda bssh kima galli l ousstad ta3iu ta3 maths akray koul matokoki mn lag"ad feddar hazzi l cahier ou akray donc lazamna nhadrou men dorka khasstan kl mawad l aadabiyya kiima ijtima3iyyat ana hanbda nahad mousstalahat men dorka 3andi ktab ta3 moussetalahat bssh l mawad 3ilmiyya hanrévisi ta3 sna ouba3da nabda nrévisis ta3 l "am l jay psk fel physique galli l ousstad ta3i takadri trévisi chimie ta3 l'année prochaine bkkl tenahhiha 3lik fessayf ou habab tani nat"allam l manhajiyya ta3 l ijaba fescienec en plus lazamna n3oudou natlakaw fessaboura tafa3ouliyya bah nrévisiw ma3a ba3dana ou fel mountada wa hada 3an trarik tahmil addourouss ta3 l bacc 3amablli tawqwalt 3likoum bzzk fl hadra hhhhhhhhhhhhh akoum "ambalkoum rani matehamssa lele 3aém l jaaaaay tomohi Mou3addal 19 nchlh fl bacc

انا ان شااء الله راح ابدا برياضيات و الفيزياء ادرسهم عند استاذ اما البقية ادرسهم وحدي
و خاصة لازم نركز على الفلفسة نحفظ المقالات و نحفظ كمان التواريخ و المصطلاحات تاع التاريخ و الجغرافبا حتى نتهنى منها هيك رأيي

انا في أسبوع راحة
لم اقم بوضع برنااامج للتحضير مع الأسف
لكن عندي محطط و هو اني اكيد رح نبداا نقرى في هاد الصيفية بادن الله