عنوان الموضوع : سيبون كرهت ثانية ثانوي
مقدم من طرف منتديات العندليب

كرهت مقدرتش نتعلم اللغة الانكلزية حاب نولي نفهم ونعرف نحكي بيها للاسف شهر ومتعلمت والو يئست لا استطيع :'(


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا تقل لا استطيع ، بل قل لا اريد للان الارادة تكسر الحجر
بشوى برك و تتعلم انت تحوس شهر تولى تعرف كلش ؟
يا صحبى اتفرج عفايس بلونقلى اقرى كلمات و شوف شرحهم اتعلم الافعال الى تستعمل بزاف و شوف الماضى و الحاضر تاعها

=========


>>>> الرد الثاني :

............................

=========


>>>> الرد الثالث :

كنت اعاني من نفس المشكل اخي...

وقد قررت في عطلة الصيف ان اضع حدا لهذ المشكل والحمد لله التحقت بمدرسة لتعليم اللغات وراني الان في الشهر الرابع (بقالي حصتين نعقب التاست باه ننتقل للنيفو2) وشفت بلي كاين تغير بزاااااااااااف والحمد لله بديت نقضي على هذا البروبلام

احسن حل انك دير كيما درت انا لكن هذا راح يعطلك على قرايتك

اذا راك زربان عليها تقدر دير في وقت القراية لكن راح تتعب بزاف واذا تقدر تصبر من الصيف الجاي حيكون خير ....

ربي يوفقك خويا ويفتح عليك

=========


>>>> الرد الرابع :

نتا حاطها سهلة ؟؟ اي واحد تسالو يقولك سنين من اللي كنت ضغير
انت ماتحاولش ترغم روحك لانو حاجا تحب ديرها مخك يولي مايديرهاش
حاول في نهاية الاسبوع او كي تشاهد افلام ديما اتفرجهم و اتفرجهم على اساس تمضية وقت و ماتفورصيش روحك كل كلمة لازم تقرا ترجمتها و تقول هاذي هكا لازم نشفا عليها اتفرج فط في الاول تولي الكلمة مالوفة في سمعك ثم تعرف معناها و مع الوقت تولي تكتبها

=========


>>>> الرد الخامس :

كَلمة [ لا استطيع ] يا اخيي الكريم ؛ هي كِلمه أخترعها الإنسان ، ليبرر بِها عجزه وضعفه
فلا تياس او تفقد الامل بهذه السهولة حول مرار وتكرارا مع العزيمة والاصرار ستصل الى مرادك
و انت بين اخوانك في هذا المنتدى سنساعدك باذنالله كل ما يجب علي ان افعله الان هو ان
اطلب من الله تعالى ان ييسر و يسهل لك كل امر استصعب عليك وتذكر انا كل شي عسير يصبح
بالتوكل على الله يسير فتَوكل عَلى الله و تفَائل

=========


المشاركة الأصلية كتبت بواسطة ميمي سمية
كنت اعاني من نفس المشكل اخي...

وقد قررت في عطلة الصيف ان اضع حدا لهذ المشكل والحمد لله التحقت بمدرسة لتعليم اللغات وراني الان في الشهر الرابع (بقالي حصتين نعقب التاست باه ننتقل للنيفو2) وشفت بلي كاين تغير بزاااااااااااف والحمد لله بديت نقضي على هذا البروبلام

احسن حل انك دير كيما درت انا لكن هذا راح يعطلك على قرايتك

اذا راك زربان عليها تقدر دير في وقت القراية لكن راح تتعب بزاف واذا تقدر تصبر من الصيف الجاي حيكون خير ....

ربي يوفقك خويا ويفتح عليك

جاب ربي حكمتك حكيلي على هدا المعهد ولا ماعلاباليش وين جاي وعنده فروع ولالا بسكو حابة ندخل فرنسية في الفاكونس الجاية..............؟


يا خويا كي وصلت باب الربح وليتي عيان
عض على قلبك
ولي تعلموها هادو خير منك
شد روحك

مدرسة اللغات ابدا من لباز بشوي بشوي حتان تلحق لنيفو 6

ليس هكذا يا أخي الفشل هو اللي اثر فيك ومخك كي يقولك انت ماتعرفش زاد كمل عليك
صديقي نصيحة من عندي من يريد تعلم الانجليزية فليتعلم معنى الكلمات انجليزية عربية ليس في الديكسيونار لا هذا خطء
بل مثلا انت قريت درس الUn سطر على 4 كلمات مافهمتهمش وكي تجي للميكرو دير معناهم تفهم وغدوة من ذاك كذلك وهي رايحة احكم 4 كلمات راك مليح في النهار واي شيء راني هنا نعاون خويا

سأجمل لك تجربتي علها تعينك في مسعاك، حاليا أنا دائما ما أتحصل على 19 أو 20 في الإنجليزية في الإمتحانات و أتحدثها بطلاقة.
تعلم الانجليزية بالنسبة لي كان عفويا وغير مخطط له، بدأ الأمر بمشاهدة التلفاز ومحاولة استيعاب بضعة كلمات، ثم تطور الأمر إلى أستيعاب جمل بسيطة فجمل مركبة. وبدأت أفهم ما يسمى بمنطق اللغة.
الشيء الثاني الذي أود التحدث عنه هو الثقافة، بعدما وصلت إلى مستوى معين بدأت أشاهد الفيديوهات على الإنترنت بالإنجليزية مما سمح لي بتعلم الكثير عن الثقافة البريطانية والامريكية الأمر الذي ساعدني في فهم مختلف الاستعارات و والأمثال التي يستعمولنها، لأن تعلم معنى الكلمة الحقيقي غير كافي والكل يعلم ذلك.
أخيرا وليس آخرا، تسجلت في عدة منتديات إنجليزية و قرأت الكثير من المواضيع هناك، ثم حاولت أن أكتب مواضيع بنفسي وهذا الآخير ساعدني على صقل معلوماتي وتحسين أسلوبي خاصة عندما كان المتحدثين الأصليون ينبهونني حتى أصحح مختلف أخطائي.
أتمنى أني أفدت

اخي اتعلم كل يوم 10 كلمات انا افادتني هذه الطريقة في الفرنسية واتمنى لكم التوفيق

المشاركة الأصلية كتبت بواسطة just.girl~
جاب ربي حكمتك حكيلي على هدا المعهد ولا ماعلاباليش وين جاي وعنده فروع ولالا بسكو حابة ندخل فرنسية في الفاكونس الجاية..............؟

انتي من اي ولاية؟؟؟

انا في باتنة المعهد اسمو abis

ماعلاباليش اذا عندو فروع ولا لالا

مي الحاجة اللي عمبالي بيها بلي كي تتخرجي تدي الشهادة وتقدري حتى تخدمي بيها منو هكذا


I'm Good In english try to watch movies and play games u ll learn translate start from now Brother

you have this ******** above all and try to Watch documentries and read more books