عنوان الموضوع : بالنسبة لمن لم يرضى بمعدله لكونه غير كافي للشعبة المرغوبة ثالثة ثانوي
مقدم من طرف منتديات العندليب

بسم الله الرحمن الرحيم
لقد اجتزت شهادة الباكلوريا شعبة علوم تجربية وتحصلت على معدل 12 حيث اعتقد انه غير كافي للحصول على مقعد في شعبتي المرغوبة لدا فلقد فكرت في عدة حلول وبحثت في منتدانا الغالي فلم اجد اقرب حل الى قلبي وهو اعادة الباكلوريا في الثانوية بشكل عادي .من هدا المنطلق أريد من اخوتي وأخواتي ان يتفضلوا علي وعلى كامل القراء بالإجابة الشافية والكافية على بعض الأسئلة :
rolleyes:
1_ ما رأيكم في إعادة الباكلوريا بشكل عادي اي الرجوع الى الثانوية رغم نجاحنا في هده الدورة؟

2_هل يمكن للطلبة المتحصلين على شهادة الباكلوريا الالتحاق بأقسام النهائي لإعادةاجتيازه في الدورة القادمة؟وهل لهم الأفضلية على الراغبين في الإعادة بسبب اخفاقهم في دورة جوان 2016؟

3_هل ينفع اعادة الباكلوريا كمترشح حر ودلك مع العلم ان التوقعات تأكد ان السنة القادمة ستكون أقل توترا من هاته السنة اي ان العتبة ستكون اعلى وبالتالي ستواجهنا دروس لم ندرسها خلال هده السنة؟

4_ ممكن بعض قصص من تعرض لنفس الموقف سابقا؟
والله ولي التوفيق سلام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نفس الاستفسارات للي حابة نعرفها علي خاطر انا ثاني حابة نعاود الباك حتى ورانى جبتو بصح تبانلي منقدروش نعاودو في الليسي نعاودوه احرار وخلاص

=========


>>>> الرد الثاني :

المشاركة الأصلية كتبت بواسطة زهرة الدنيا
نفس الاستفسارات للي حابة نعرفها علي خاطر انا ثاني حابة نعاود الباك حتى ورانى جبتو بصح تبانلي منقدروش نعاودو في الليسي نعاودوه احرار وخلاص


بصح اختي العام الجاي جابلي ربي موش رايحين يديروا بزاف اضرابات يتسمى رايحين يقراو كثر من واش قرينا سنة على هادي خايف يكون عندنا دروس عمرنا لشفناهم

=========


>>>> الرد الثالث :

مستحيــــــــل تعاودو في الليسي + ما تتسرعش استنى حتى يبداو التسجيلات بلاك تلقى شعبة تعجبك


لكن راني لاحظت بزاف لي ما عجبوهمش معدلاتهم على هاديك نقوللكم احمدو ربي و اشكروه كاين بزاف لي ما جابوهش و مادابيهم يكونو في بلاصتكم

و بالتوفيق ان شاء الله

=========


>>>> الرد الرابع :

مبروك عليكم الباك بصح في القانون يمنع منعا بتا بإعادة البكالوريا في الثانويات ويحق لك بالإعادة حر ولا تنسى أن فترة التسجيل فترة ضييقة كيما العام الماضي حبست 15 ديسمبر2009 ولذا أنا أنصحك بالدخول للجامعة وتخير تخصص بالاك يخرج عليك وإذا ماعجبكش أنت راك تقرا فالجامعة وراك تعاود فالباك حر.ملاحظة مهمة لا تنسى أخي الكريم بأن قراءة المنشور الوزاي والدليل مهم جدا والكثيرين ينسو الأمر.ربي يوفقكم جميعا.

=========


>>>> الرد الخامس :

1_ ما رأيكم في إعادة الباكلوريا بشكل عادي اي الرجوع الى الثانوية رغم نجاحنا في هده الدورة؟
لا انصحك بذلك
2_هل يمكن للطلبة المتحصلين على شهادة الباكلوريا الالتحاق بأقسام النهائي لإعادةاجتيازه في الدورة القادمة؟وهل لهم الأفضلية على الراغبين في الإعادة بسبب اخفاقهم في دورة جوان 2010؟
لا يمكن ذلك
3_هل ينفع اعادة الباكلوريا كمترشح حر ودلك مع العلم ان التوقعات تأكد ان السنة القادمة ستكون أقل توترا من هاته السنة اي ان العتبة ستكون اعلى وبالتالي ستواجهنا دروس لم ندرسها خلال هده السنة؟
هذا هو الحل الوحيد
4_ ممكن بعض قصص من تعرض لنفس الموقف سابقا؟
اعرف من لم يعجبه التخصص ولكن دخل للجامعة واعاد البكالوريا احرار
لذلك انصحك بدخول الجامعة لاخد الخبرة واعادة الباك حرا
والله ولي التوفيق

=========


عندك الحق خويا
الي ربح الباك باقل من 14 يفرق عليه كاس ماء و ميعتبرش روحو بلي جاب الباك


الاعادة في الثانوية مستحيييييييييييييييييييييييييييييييييييييييييييييي يييلة
لأنك الآن ناجح في شهادة الباكالوريا
أما كمترشح حر فبامكانك أما بالنسبة للعتيبة فما عليك إلا بالدروس الخصوصية
وقد واجهت نفس المشكلة فمعدي 13.97 لم يؤهلني لدخول الطب والذي هو 14.00
لا علينا كل عطلة فيها خير

المشاركة الأصلية كتبت بواسطة ben mohamed
عندك الحق خويا
الي ربح الباك باقل من 14 يفرق عليه كاس ماء و ميعتبرش روحو بلي جاب الباك

للأسف عندك الحق

لالا ماشي شرط كاين يقراو معايا عندم والله العظيم 15 وحابسين منين جاهم المعدل مافهمتش

ممكن تفاعل أكثر نظرا لأهمية الموضوع والتركيز على الإجابة على التساؤلات

متتسرعش خويا اصبر حتى تشوف الاختيارات الممنوحة كل راهو عندنا نفس المشكل معدلات ناقصة انا مثلا معدلي 13.90 ومنقدرش ندير وش نحب

المشاركة الأصلية كتبت بواسطة b-flower
مستحيــــــــل تعاودو في الليسي + ما تتسرعش استنى حتى يبداو التسجيلات بلاك تلقى شعبة تعجبك


لكن راني لاحظت بزاف لي ما عجبوهمش معدلاتهم على هاديك نقوللكم احمدو ربي و اشكروه كاين بزاف لي ما جابوهش و مادابيهم يكونو في بلاصتكم

و بالتوفيق ان شاء الله


الحمد لله على كل شيئ لكن أختي عدم قبول المعدلات أمر طبيعي متنسايش أعلى معدل 18 يعني كما قال الاخ تحت 14 مكان والو والانسان دايم يشوف لي اكثر منو في المستوى يعني الغيرة هي لتخلي الانسان يقرا

أنا ربحت الباك نتاعي بمعدل 11.87 و الحمد لله ... الشيئ الوحيد لي طلعلي المعدل العلوم الطبيعية و ما خدمتش في الرياضيات و الفيزياء مليح على خاتر نبغي العلوم و على هذا غادي ندير بيولوجيا وراني مقتنع بلي رايح نوصل بعيد و كاين لي يقولي ما دير بيها على خاتر لي داروها وصلو ليسنس و كرهو انا رايح نكملها دكتوراه بإذن الله ... و ربي يوفق الجميع

وننصحك خوي مانعاودش بالاك يصعبولهم و ماتربحش ....

المشكل اني ما نعرفش واش اندير نعاود الباك ولا تصدم ونقرى اللي جات معلاباليش خلاص