مرحبا بالكل

هالمره مب مع أظافري:tongue: شفت الموضوع من الاخت(gogo7227) وقلت أحط لكم حق اللي يبون يتعلمون





انا شايفه الكل حاب يتعلم كيفية الرسم على الاظافر
ولاحظت انه يبغاله ادوات خاصه لبعض الرسمات
لكن اليوم جايبت لكم طريقة الرسم بأدوات بالبيت متوفرة


وبشرح بسيط جدا جدا


بسم الله نبدأ
اليوم بتكون الرسمه فرنش مناكير بورد ابيض




الادوات

مناكير لون ابيض واحمر ولماع ذهبي
فرشة رسم صغيرة
مناكير شفاف لتثبيت الرسمه

الأن الطريقه والخطوات

اول شئ نرسم فرنش مناكير باللون الاحمر

وأنا الحمدالله عن نفسي من كثر ماتمرنت أعرف أسوي حق نفسي بس اللي يبون يتعلمون يبيلهم يتمرنون كم مره










الحين نأخذ الفرشاة
اذا ماعندك فرشاة تلوين صغيرة
أخذي عود اسنان خشب وأكسري رأسه عشان يصير عريض
شوي طرفه وأبدأي استخدميه بالتنقيط
وأهم شئ انك تاخذي من اللون ونحطي شوي منه في ورقه خارجيه
وأستخدميه لأنه بيكون أسهل لك بالرسم
ونأخذ من اللون الابيض
ونبدأننقط ورقات الورده












الحين نكمل الورده الثانيه جمبها








ونعمل الثالثه بنفس الطريقه





الحين نأخذ المناكير اللماع الذهبي ونحط نقطة صغيرة في وسط الورده




وبعد ماينشف نضع طبقه شفافه فوقها
لمزيد من اللمعان ولحماية الرسمه من التقشر

الدرس مررررة سهل جدا
وتقدرين تغيرين الالوان

بس أهم شئ يكون اللونين عكس بعض
واحد غامق والثاني فاتح عشان تبان الرسمه معاكي

يالله حابه اشوف تطبيقكم للدرس هذا
لأنه مررررة سهل ويخلي الأيدي كلها نعومه





ها اشرايكم سهل صح؟ جربوا وعقب مايحتاي ان تروحون وتدفعون حق الصالونات:tongue:
اذا عجبكم الموضوع ادعوا لي ولاتنسون التقيييم