عنوان الموضوع : خاوت لي عندو قلب ويحس بأ مومن يدخل باك 2016
مقدم من طرف منتديات العندليب

السلام عليك خاوتي جيت نبارك لكل من تعب ونال الباكالوريا خاطر جماعة الكيتمان والزوم انا مانامش بيهم خلاص
ونحكي حكايتي لكل واحد مانالش الشهادة السنة
انا كنت علمي لاباس عليا نجيب 15 المعدل كي طلعت للسنة الثانية بعثوني تقني رياضي وانا خيرتها هي اللخرة يا خاتي والله ظلموني وزيد كي دخلنا نقراو جماعة المعريفة والتشيبا بدلو وانا وليد الزاوالي غير نتفرج فيهم فرات وكي طلعت للباكالوريا كرهت جد القرايا هادي وحبيت نحبس خلاص ولكن و يا دين الله اتخيلو كي جا ريزيلتا تاع الباك جبت 9.98 يا خاوتي اييييييييييه اا فهاداك اليوم بكيت يوما وحسيت روحي احقر مخلوق على الوجه الارض خاطر طاحت مريض ومام محتمة عليا الشعبة اتمال كبير نكون انا اللي مرضتها
ايا فالصيف خدمت على روحي نافيقيت حق الكور فالمواد الاساسية وحق التسجال حر وسجلت علمي وفوت عام يا خاوتي دميييييييييييير تاع الصح نقر فالصباح ونخدم فالكوشة فالليل وصبرت على جال يما اللي بقيت نحلم بفرحتها عاااااااااام كامل وكيجاو النتائج اكرمني ربي بمعدل 13.84 وفرحت يوما وشفتها تضحك بعد عام اسود وطويييييييييييييييييلر اسمحولي اذا طولت عليك بصح يا كل من عاود العام اعرف باللي ماكانش لي يحبك حتى اكثر من امك وبابك غير ربي سبحانو ديروبين عينيك قدم اسبابك و حا تنجح بإذ الله العام الجاي الوقت هادايا
ملاحظة برك انا جبت فالرياضيات 19 والفيزياء 14 والعلوم 13 والنجيزية 16 والفرنسية 15 والعربية 13 والمعل العام 13.84 بصح قالولي ماعندو ما يديرلك هاد الاختصاص
الى اهل الاختصاص وش من الممكن ندير بهذا المعدل واللي ساكنين فالعاصمة نسقيكم على شروط الالتحاق بالعهد الوطني للرياضة والتدريب اللي يقري فيه الشيخ راب ح سعدان وشكرا مقدما وبارك الله فيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يوفقك خويا راكي قستنا والله

ان شاء الله تلقى ما يوالمك

=========


>>>> الرد الثاني :

شوف خويا على حساب النقاط دير استاذ علوم دقيقة ولا انجليزية
او الفرنسيةوحاول تشارك في لي كونكور كيما نتاع رويبة
ما تخلي حتى حاجة تفوتك
والمعهد نتاع السبور لكاش ما سمعت عليه قولي انا تاني نشارك

=========


>>>> الرد الثالث :

ربي يوفقك ان شاء الله

=========


>>>> الرد الرابع :

ربي يوفقنا ان شاء الله

=========


>>>> الرد الخامس :

بارك الله فيكم حنا هكا الدويريين نحسو ببعضانا شكرا خاوتي في انتظار اجاباتكم

=========


انا استاذ انجليزية نقلك دير انجليزية في المدرسة العليا للاساتذة وربي يوفقك ان شاء الله و يسدد خطاك بصح حبيت نفهم شكون نتاع الزوم
و الكيتمان


السلام عليكم ورحمة الله وبركاته

المشاركة الأصلية كتبت بواسطة lampard40
يا كل من عاود العام اعرف باللي ماكانش لي يحبك حتى اكثر من امك وبابك غير ربي سبحانو ديروبين عينيك قدم اسبابك و حا تنجح بإذ الله







أروع ما قلت بارك الله فيك وفي والديك

المشاركة الأصلية كتبت بواسطة لبيض92
السلام عليكم ورحمة الله وبركاته









أروع ما قلت بارك الله فيك وفي والديك

بارك الله فيك خويا ونزيد نقولك باللي كون يمد باكلوريا امياز للعالم كامل و يردنا كامل اغنياء ما تنقص من ملكو سبحانو 1 بالمئة هو سما نفسو رحيم ويحبلنا كامل الخير وهو ارف م يسمي نفسو بصف وماتكونش فيه وشكرا خاوتي في انتظار نصحكم وعقد العزم بالنسبة للراسبيين بالتوفيق

السلام عليكم ورحمة الله وبركاته

مع أني أستعمل أحيانا كلمة الرسوب إلا أني لا أحبذها

فهي تضفي نوع من الطبقية ...

لذا أقول لك إلى الأمام وسأعينك بدعاء إنشاء الله

جزاكم الله خيرا

الله يعاونك خويا ومبروك عليك

ألحمد لله على نجاحك نتمنى لك التوفيق في الإختيار

..................................