عنوان الموضوع : مصيركم يا طلاب التارمينال بكالوريا علمي
مقدم من طرف منتديات العندليب

السلام عليكم ...

اقراو من دروك و قراو و قراو و في الشك يلا حقولكم
امنيات حياتكم ...لانو مولا ال 12 و 13 و ال 14 و ال 15
ما عندهمش الحق في الهدرة

انا والله ما كنت عارف بلي راح يصرالي هكدا بعد الباك
ياووو ميزيرية كحلة كحلة ......

..نبداوها من اعلان النتائج ... ما يجو يخرجو حتى تعود تهدر
بالشنوية ...................................
و مبعد يخبرونا .. صح نزهاو و نفرحو ... مي (لكن) مؤقتا
فالخبراء يقولون ان فرحة البكالوريا لن تدم سوى اسبوع
او اسبوعين لياتي العناء

علاش .. دروك نخبركم
الواحد حياتو كاملة و هو يقرا و يقرا و يقرا ..
و في النهاية يصيب اختيارات ما عندهاش
ولا علاقة بقرايتو مش ها عيب ؟؟؟؟؟

حتى ولو صاب اختيارات مليحة ...فهي مجرد خدعة ( شوف
حتى التعليم ولات فيه الخدع .. ايه انعم)
اذا ما كانش المعدل فوق 15 غير ما تختارش و اختار نتاع
ال 13 و ال 12
لانو بلادنا هاكدا ..افضل من يطلعلك شوا 0000
................................................
ادوها من عندي كنصيحة .... الي حاب يدير حاجة و يحقق واش راه باغي
من الاحسن يبدا من دروك ...باش يحصل على معدل مليح ......
يفوق 15 على الاقل

و السلام عليكم .. وربي يوفقكم


و راهي كاينة صفحة :
لا سكوت عن العيوب و النواقص
على الفايسبوك

فيها عناء الطلبة الناجحين في البكالوريا لهدي السنة اطلعو عليها ... و شوفو
................



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله غير صح خويا عندك الحق

منا وطلع الهدرة غير من 15 وطلع اذا ماقلناش من 16

مالا لازم تزيروووووووووووا وربي يوفقكم : )

=========


>>>> الرد الثاني :

wah 3andek al hak besa7 3la 7sab nesbat naji7in

=========


>>>> الرد الثالث :

كي ولا مولا ال 15 ما يحقولوش الرغبة نتاعو .... انا مولا ال 12 واش نهدر واش نقول .... خير لي نبلع فمي و نسكت ....... نسكت و نسكت ونتبع و نتفرج ......و ما يحقليش نهدر خلاص

=========


>>>> الرد الرابع :

مجموعة طلاب جامعات dz

على الفايسبوك ... تصيب الجديد و القديم .. برك شرفنا بإنظمامك

=========


>>>> الرد الخامس :

الله غالب نسبة النجاح طلعت بزاااااااااف والجامعات لن تتحمل هذا القدر الهائل :/

هادا قع سبابو بن بوزيد يزينلك المعدل ويهردك فالتوجيه

=========


للاسف كلامك صحيح


لالا خويا انا 15.46 دخلت inelec وكان عتندي لحق فجراحة اسنان وكان عندي لحق فامحروقات مي تقني رياضي ...المشكل انو لي سوجي انتاعكم قاطوات وعلاه ماتكرتنش فيهنم وتجيب كيما خاوتك ...لازب تحاسبو انفسكم على ماكنتوش مع جماعة 16 و 17 و 18 ياخي كل كيف كيف .. ادا راح تقولي مانقدرش ندمر نقولك لي دمر يستاهل خير منك وادا تقولي مانقدرش نقولك خلي ناس لي تقدر واذا تقولي ماعنديش زهر ...نسألك هل هذا منطق واحد مستوى بكالوريا ؟؟؟ وبزيادة مسلم؟؟؟
انا نشوف انو المشكل ماهوش فالمعدلات طالعين لوكان ترجع لوقت بكري انت وحماعة 12 و13 كاين فيكم لي مايديش ..تبالك كي ترجع للورا راح تجيب نفس النقطة لي ديتها ....اسمعوا اخوتي نقد البرنامج الجزائري ومقارنته مع الي فات ماعندو حتى اساس من الصحة ممكن الوزير يرتاكب اخطاء ...ولكن انو تلميذ يولي ينقد وزير ومن حول خبراء ...يا اخي قليلا من الحكمة راهي ماتصلحش
السلبية في التفكير هادي ماعندها وين تدينا ...ارجع لبروقرام لقديم تلقاه معقد حتان مراق لي يجيبو 14 ولله انت فاهم خير منهم ...علاه تبالكم بلي الصعيب هو المليح ...ولا بغيتو يعقدولكم لقرايا حتان تكرهو حياتكم ...
الامر الوحيد لي ممكن ناقشوه هو التنقال ورغم ذلك ما يأثرش انا نتحدى الجميع ادا كان واحد في ليسي انتاعوا انسان جاب 15 ولا 16 ولا 17 ولا امتياز وهو مايستاهلهاش ؟؟؟ انا واثق انو الكل يستاهل ...المشكل فالناس لي جابت 10 الى 14 مع بكالوريا يقولو عليها ساهلة ؟؟؟ يا اخي جيب كثر مالا ؟؟ ولا عاود راجع روحك
ولكم مني ارقى التحية ...وعذرا ان اخطأت ...



المشاركة الأصلية كتبت بواسطة جلال الدين بركة
لالا خويا انا 15.46 دخلت inelec وكان عتندي لحق فجراحة اسنان وكان عندي لحق فامحروقات مي تقني رياضي ...المشكل انو لي سوجي انتاعكم قاطوات وعلاه ماتكرتنش فيهنم وتجيب كيما خاوتك ...لازب تحاسبو انفسكم على ماكنتوش مع جماعة 16 و 17 و 18 ياخي كل كيف كيف .. ادا راح تقولي مانقدرش ندمر نقولك لي دمر يستاهل خير منك وادا تقولي مانقدرش نقولك خلي ناس لي تقدر واذا تقولي ماعنديش زهر ...نسألك هل هذا منطق واحد مستوى بكالوريا ؟؟؟ وبزيادة مسلم؟؟؟
انا نشوف انو المشكل ماهوش فالمعدلات طالعين لوكان ترجع لوقت بكري انت وحماعة 12 و13 كاين فيكم لي مايديش ..تبالك كي ترجع للورا راح تجيب نفس النقطة لي ديتها ....اسمعوا اخوتي نقد البرنامج الجزائري ومقارنته مع الي فات ماعندو حتى اساس من الصحة ممكن الوزير يرتاكب اخطاء ...ولكن انو تلميذ يولي ينقد وزير ومن حول خبراء ...يا اخي قليلا من الحكمة راهي ماتصلحش
السلبية في التفكير هادي ماعندها وين تدينا ...ارجع لبروقرام لقديم تلقاه معقد حتان مراق لي يجيبو 14 ولله انت فاهم خير منهم ...علاه تبالكم بلي الصعيب هو المليح ...ولا بغيتو يعقدولكم لقرايا حتان تكرهو حياتكم ...
الامر الوحيد لي ممكن ناقشوه هو التنقال ورغم ذلك ما يأثرش انا نتحدى الجميع ادا كان واحد في ليسي انتاعوا انسان جاب 15 ولا 16 ولا 17 ولا امتياز وهو مايستاهلهاش ؟؟؟ انا واثق انو الكل يستاهل ...المشكل فالناس لي جابت 10 الى 14 مع بكالوريا يقولو عليها ساهلة ؟؟؟ يا اخي جيب كثر مالا ؟؟ ولا عاود راجع روحك
ولكم مني ارقى التحية ...وعذرا ان اخطأت ...

يا سلام على الناقد ...على النقد الجميل .... انت جبت 15 مش كيف كيف مع الي جاب 12 ... وزيد نعرف كاين مولا 15 عطاولو شوا زيرو ... ما تقليش اقرا و جيب 15 لانو كل واحد و قدراتو مفهوم ...ديجا راك طلعت السكر .....
زعاف التوجيه وتزيدني الهبال نتاعك ... مدعي انك راقى و معاصر و مناصر للاصلاحات الوهمية .............
يا للاسف الشديد ..يا للاسف .....
انا هدي ال 12 سهرت ليالي باه جبتها و درت قاع واش عندي ... قلبي خرج باه حصلت هدي ال 12
تطلع انت في الاخير تقولي اقرا و جيب 15 (ياووو قريت حتى تنعصرت )والله غالب هدا ما لحقت ..................
نعذرك ... لانك ما عذرتنيش ... و ما قدرتش ظروف الاخرين .....