عنوان الموضوع : نصيحة لوجه الله ... ثالثة ثانوي
مقدم من طرف منتديات العندليب

السلام عليكم .....

الاضراب فرصة لا تعوض ... اغتنموا هذه الايام في المراجعة الجيدة والشاملة << الكل يعلم هذا ويفعله ...

ونصيحتي للعلميين والرياضيين ... لا تهملوا المواد الادبية ابداااا ... يعني مواد الحفظ ... هذا هو الوقت اللي لازم تبداو فيه الحفظ ... ماتقولوش مازال الحال ... في الشهور الاخيرة ماتلقاوش وقت على خاطر تبداو تعاودو البرنامج من الاول (المواد الاساسية) وتبداو تحلو ف les sujets تع الشهادات لي فاتت ويبدا الضغط ...... يعني تصعاب شويه لحفاظه فهاداك الوقت ... واللي عام كامل وهو مع ال maths وال fisique برك وكي يوصل ماي يقول نبدا نحفظ يروحلو كامل الشيلي قراه فلعام فهادوك المواد ... يعني يكون الحال تاخر .... والحل لازم تبدا الحفظ من درك ... خصص ساعه كل صباح لحفظ مصطلحين وشخصيتين او 3 وبعض التواريخ ... والدروس يكفي انك تفهمها برك ... تبقى كل يوم بهاد الطريقة يوصل ماي تلقى روحك مرتاااح ومهني ومكمل كلشي .... يكفي باه تعاود تراجع الشيلي حفظتو مراجعه خفيفة وراح يرسخ في ذهنك والله ... ومحال تنسى ... انا العام لي فات ماحفظتش وبقيت نسوف حتى وصل ماي وندمت على كل ساعة صباح ضيعتها ... ركزت على maths و fisique وفي الاخير ماكفاوش وحدهم باه نتحصل عالمعدل اللي كنت حابتو ... بصح الحمد لله نجحت ... والسنه راني نعاود فالباك ونركز اكتر على المواد هادوك اللي كانوا سبب في ندامتي ... ماتعاودوش غلطتي ومدو لكل ماده حقها ... المواد اللي تستحقروهم هوما اللي يوصلوكم للتفوق لو درستوهم مليح ... اغتنمو سهولتهم باه فالاخير ماتندموش ... النجاح بالمواد الاساسية والتفوق بكل المواد بما فيها الادبية ...في الاخير نتمنالكم التوفيق والحصول على معدلات عااااالية ... وماتنساوش تدعولي نجيب المعدل اللي نطمح ليه ... بارك الله فيكم ...



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عيلكمــ،،ــ

اييه عندك حق في اللي قلتيه
انا ثاني الشيء اللي مخوفني انو الوقت قاعد يعدي و من بعد مارحش يكفيلنا باش نكملوا كل الشيء

نقولوا ربي يجيبها على الخير و اللي مكتبوا ربي مرحبا بيه

مشكوورة ثانية وو السلام

=========


>>>> الرد الثاني :

وعليكم السلام اختي

لا شكر على واجب
فقط نصيحة من مجربة
اتوكلي على ربي وابداي من درك ... حاجه ماتجي بالساهل ... لازم المثابرة ...
ربي يوفقك

=========


>>>> الرد الثالث :

merci
mais wallah rana najriw w manalhkouch parceque makanch khlas le temps
w stress ta3 l bac c trop
rani fatiqué fi hala haba ghir nourgad w ma naftanch khlas

=========


>>>> الرد الرابع :

و الله عندك الحق في كل كلمة قلتيها أنا الآن اني حاصل مشني حافظ والوا و زيد المواد الأساسية تخربطولي مزية كي جا الإضراب باش نرجعوا فالدروس و يا ربي لاكان نلحق حانعاود المات مالأول و الفيزياء و العلوم ربي يستر برك و ربي يكون معانا الكل
و نشكرك أختي على الموضوع أدا خاطراكش كيما قلت محفظت والوا و ماكنتش معول باش نحفظ درك بصح دوك كي نفض مراجعة المواد الأساسية ندورها للحفاظة
و ربي يستر و ربي ينجحك أختي بامتياز إن شاء الله
جعله الله في ميزان حسناتك

=========


>>>> الرد الخامس :

المشاركة الأصلية كتبت بواسطة khawla_dz
merci
mais wallah rana najriw w manalhkouch parceque makanch khlas le temps
w stress ta3 l bac c trop
rani fatiqué fi hala haba ghir nourgad w ma naftanch khlas

حاولي تنظمي وقتك برك وديري جدول للمراجعة وتبعيه يروح المشكل تع الوقت
وstress نورمالمو ماشي درك مازال وقتو حتى لـ فيفري/مارس يبدا شويه
ماتعبيش روحك من درك اقراي غير بالشويه وربي معااااك ان شاء الله
بالتوفيق

=========


المشاركة الأصلية كتبت بواسطة fantasy world
و الله عندك الحق في كل كلمة قلتيها أنا الآن اني حاصل مشني حافظ والوا و زيد المواد الأساسية تخربطولي مزية كي جا الإضراب باش نرجعوا فالدروس و يا ربي لاكان نلحق حانعاود المات مالأول و الفيزياء و العلوم ربي يستر برك و ربي يكون معانا الكل
و نشكرك أختي على الموضوع أدا خاطراكش كيما قلت محفظت والوا و ماكنتش معول باش نحفظ درك بصح دوك كي نفض مراجعة المواد الأساسية ندورها للحفاظة
و ربي يستر و ربي ينجحك أختي بامتياز إن شاء الله
جعله الله في ميزان حسناتك

لك بمثل ما دعوت ان شاء الله
ربي يعاونك ويسهلك يااااااارب
والجميع باذن الله
بارك الله فيكم


شخصيات تاريخية ( جزائرية وعالمية ) ... مختصرة