لماذا الأحرار دائما محقورين ؟ تحضير بكالوريا
عنوان الموضوع : لماذا الأحرار دائما محقورين ؟ تحضير بكالوريا
مقدم من طرف منتديات العندليب
السلام عليكم و رحمة الله بركاته
و الله ما صبت الكلمات باش نعبّر لأنني صراحة لاول مرّة في حياتي نحس روحي محقور صح
أوّلا نعّرف بنفسي، أنا متحصّل على باكالوريا 2017، درست بعدها في جامعة العلوم و التكنولوجيا بباب الزوار
تخرّجت منها سنة 2016 بشهادة ليسانس في الميكانيك، و بسبب قوانين الجامعة ما قدرتش نكمّل ماستر على خاطر
عاودت عامين، و كي ما صبتش خدمة مليحة عاودت الباك كمترشح حر هاد العام
النتيجة راسب بمعدّل 9.95 رغم أنني متأكّد انّني خدمت مليح خاصة في الفيزياء و الرياضيات و الفرنسية و الانجليزيّة
و مانهبطش فيهم على 15 في أسوأ الظروف حسب التصحيح الرّسمي للوزارة
أمّا باقي المواد فالنقاط تتراوح مابين 9 و 11 حسب التصحيح الرّسمي للوزراة أيضا
الآن السؤال المطروح كيف يتم التصحيح و لماذا النظاميين دايمن ينجحو أما الأحرار ففقط القلّة القليلة
لانني متأكّد من مستواي خاصة في مادتي الفيزياء و الرياضيات لان ما كنّا ندرسه في الجامعة أصعب بمراحل من ما يدرّس في الثانوية الأن
تاني سؤال لمن لديه الخبرة كيفاش نقدر ندير طعن ؟
في الأخير أسمحولي و ما تفهموش من موضوعي بلي راني نقلّل من قيمة الناجحين
اللي نقوللهم مبروك عليكم و ان شاء الله تتوفقّوا في الجامعة برك ما تديروش الغلطة اللي درتها أنا
اختاروا تخصص على قدر مستواكم خاصّة اللي راهم حابين يديرو تخصص في التكنولوجيا
حاولو تطّلعو على البرنامج الجامعي للتخصّص قبل ما تسجلو فيه لأن أي اعادة للسنة في الجامعة
قد تحرمكم من دخول الماستر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا وربي يعوض عليك وان شاء الله بالتوفيق في عام القادم
=========
>>>> الرد الثاني :
انا طالب حر شعبة اداب وفلسفة اجتزت امتخان بكالوريا 2013و كنت متفائل بان احصل على معدل 13 او 12 ولكنني تفاجئة وجدتها 9.80 بالرغم من اني متاكد من اني جيد في الفلسفة والادب وهذا ان دل على شئ فاءنما يدل على ان الوزارة ضد التلاميذ الاحرار ارجو من لديه تفسير لهذا فل يعطينا رايه وبارك الله فيكم
=========
>>>> الرد الثالث :
اولا انا ضد التكلم بدون دليل
عندك دليل قدموا ماعندكش روح ترقد وماتظلم حتا واحد
كل كلمة راك تحاسب عليها
=========
>>>> الرد الرابع :
المشاركة الأصلية كتبت بواسطة بحر قزوين 
اولا انا ضد التكلم بدون دليل
عندك دليل قدموا ماعندكش روح ترقد وماتظلم حتا واحد
كل كلمة راك تحاسب عليها
هذه اهانة لصاحبنا وشبيك +الكل يقول ان الاحرار مظلومين في التصحيحات سقسي الشيوخ نتاعك تجيب الخبر
=========
>>>> الرد الخامس :
المشاركة الأصلية كتبت بواسطة بحر قزوين
اولا انا ضد التكلم بدون دليل
عندك دليل قدموا ماعندكش روح ترقد وماتظلم حتا واحد
كل كلمة راك تحاسب عليها
أنا مسؤول عن كلامي
و لوكان قريت واش راني كاتب الفوق ما تهدرش هاد الهدرة
راني عارف واش كتبت في الورقة تاع الإجاية و راني شايف التصحيح
يعني مارانيش نهدر من فراغ
+
شوف أغلب الأحرار ماجابوهش يعني الأرقام تتكلّم
+
راني ضارب 5 سنين في الجامعة و عمري لا درت روكور
لانني نهار مانخدمش نعرف روحي بلي ما خدمتش
بصّح الأن الأمر مختلف و نزيدلك حاجة الفيزياء و الرياضيات تاع الليسي مستعدّ ندرسهملك إذا حبيت
ما رانيش نزوخ عليكم و لا نتكبّر بصّح نعرف مستواي و علابالي بلي 9.95 حقرة و ماشي المعدّل تاعي
=========
ماتقولي مسؤول على كلامي ماوالو منعرفك ماتعرفني جهلك بالامر لايعني انه كما تظنه
الثقة في الدليل
بدون دليل راهو كلامك انشائي قاعدة قص
أنا كنت نضام قديم أيامات كان الباك حلو وأكيد الأحرار محقورين هذه بشهادة الخبراء وأهل الخبرة
صراحتا لي فاتو باك نضامي لازماتو مجهودات 10 أضعاف أخرى باه يلحق
المشاركة الأصلية كتبت بواسطة بحر قزوين
ماتقولي مسؤول على كلامي ماوالو منعرفك ماتعرفني جهلك بالامر لايعني انه كما تظنه
الثقة في الدليل
بدون دليل راهو كلامك انشائي قاعدة قص
من خلال تتبعي لهذا القسم لاحضت إنك إنسان مليح ومثقف ربي يبارك
أخي الكريم أرجوك إحترم مشاعر الآخرين راك فاهمني
هدا السؤال دايما راهو في خاطري
انا كنت نظامية والله ماقريت وماتعبت روحي على قد ماقريت كي حطيت حرة
والمعدل نفسه في النظامي ولا الاحرار
مع اني واثقة من روحي بلي راني قارية وخادمة
بصح واش تحب
هادي بلادنا خويا
كلامك صحيح ورقة الاحرار تبدأ ب -5 ثم يبدأ التصحيح
يعني الذي تحصل على 15 يمنحنون له 10
الاحرار محقورين في البكالوريا وهذه معروفة لان تصحيح اوراقهم ليس كاوراق النظاميين واحيانا ينسون حتى تصحيحها .
المشاركة الأصلية كتبت بواسطة بحر قزوين
ماتقولي مسؤول على كلامي ماوالو منعرفك ماتعرفني جهلك بالامر لايعني انه كما تظنه
الثقة في الدليل
بدون دليل راهو كلامك انشائي قاعدة قص
sorry but debate with you is just a waste of time
نعم هذا الأمر صحيح 100 بالمئة فأنا هذا العام كنت متوقع على الأقل 17 و لكن صدمت و للعلم الليسي لي فوت فيه نسبة النجاح لن تتعذى 10 بالمئة في أفضل الأحوال التصحيح مزير بزاف و المصحح يتأثر بالأوراق الأخرى لي يمدوهمله مع ورقتك
صح
الأحرار يزيروهم بزااف فالتصحاح
وهذا بشهادة أستاذ
قالنا النظاميين يرحموهم شوي
أما الأحرار مكانش خلاص الرحمة
المشاركة الأصلية كتبت بواسطة belarbi
من خلال تتبعي لهذا القسم لاحضت إنك إنسان مليح ومثقف ربي يبارك
أخي الكريم أرجوك إحترم مشاعر الآخرين راك فاهمني
اشكرك يااخي على كلامك .
ولكن اقول نحن نحاول ان نكون موضوعيين في مواضيع كيما هكا لانو ياو نفتحولهم المجال ونتكلم بدون دليل وبما يخطر ببالنا لن يبقى احد سليم من الاتهامات
رد مع اقتباس
