عنوان الموضوع : امي توفيت منذ اسبوعين الرجاء المساعدة تحضير بكالوريا
مقدم من طرف منتديات العندليب

السلام عليكم

انا كنت و الحمد لله تلميذة ممتازة و دوما اتحصل على اعلى معدل في اقسام النهائي في الثلاثي الاول 16.98 و الثاني 17.06
لكن للاسف و بمشيئة الله مرضت امي و نقلناها الى المستشفى ثم توفيت منذ اسبوعين عدة ايام قبل البكالوريا البيضاء فارجوا منكم قبل كل شيئ الدعاء لها بالرحمة و المغفرة

لم تتبقى سوى ايام قبل البكالوريا و انا لست جاهزة كما كنت اريد ذلك انا طموحي الطب و خاصة بعد ما رايته في مستشفياتنا لكن كل يوم يمر يجعلني اياس اكثر من الذي مضى و الحصول على معدل جيد و التسجيل في الاختصاص الذي اريده هو عزائي و عزاء عائلتي الوحيد لذا ارجو منكم النصح و المساعدة

Bon, chui désolé, mais maniche rapide fi clavier bel 3arbia

Donc, ana rah ngolkoum wesh khasni fi koul matière w j'espère t3anouni bkifah nastghal had les jours eli bkaw

Ana fi les langues francais & anglais, hamdoulah chui exellente, ya3ni sans réviser njib 19 bi idhn allah sans problème

Science fahma les leçons trés bien, bkawli ghir chwi hwayej lazm nahfadhoum fiha par coeur, w dima njib fiha des notes mlha mine 17 w tala3, mais mahaliteche fiha bezef tamarie, ya3ni nakder njib fiha une bonne note inchallah?x

Math ca va fahma bien, w njib rohi, mais 3andi bzef j'ai pas
pratiqué, ya3ni kayen hwj tribli fihoum w kima dala bel kima motlaka w dawel dostoria, khoft yjiwna houma w ana machi mliha fihoum

Physique Ahmad el ossos, w el méchanique chwya naksa fihoum, parce que krinahom fi la période eli kant mama mrida allah yarhamha
Donc mafhamteche wesh ndir, npratiki, nhal tamarine wla
n3awd doros bark?x Khayfa ytayhoni had les matières

Hawayej hfada, hafda wihda lawla mine l'histoire ta3 el harb el barida, doros, chakhsyat w tawarikh, w hafda el wihda ta3 dzayer hta Hojoum chamal kasantini, Géographie mataliteche 3liha khlass..Ya3ni yakfini wakt nkamel?x

Chari3a w Philo machi mochkol fi nhar nakdar nkamalhoum les deux

==> L'arabe
Rani la 3alaka, prof ta3na rahat jaboulna mostakhlfa Elia abou madhi fi jiha w hya fi jiha, mafhamt walou pourtant kount mliha fiha

Ya jma3a s'il vous plait el gawli une façon nakra biha fi had les jours eli bkaw, malgiteche rohi, w tawahacht mama >< Marhba brabi w el hamdoulah de toute façon

Eli 3andou molakhas fi méchanique w el 3arbia yab3athouli

Rabi ywafakoum w ynajahna kamel ya rabe



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

je ss prof du physique si tu besoin d'aide n"hesiter pas me dire je ss la

=========


>>>> الرد الثاني :

اولا و قبل كل شيء ندعو لامك بالرحمة و الغفران و نسال الله ان يدخلها جناته الواسعة
ربي يرحمها و يوسع عليها و الله يعطيكم بالصبر
اختي راني نحييك على الشجاعة هادي بالرغم ما تمرين به و راني نشجعك تعلي الهمة و بربي
ان شاء توصلي للقمة و راني ختي ان شاء الله نتفكرك في صلاتي و ندعيلك معايا و ندعي لكل الممتحنين
يجيبوا الباك و يفرحوا ان شاء الله
....

=========


>>>> الرد الثالث :

راهو يا اختي مازال يكفيك الحال و انتي راكي لباس الله يبارك جايبة روحك
يعني في الايام اللي بقاو تقدري نجيبي الباك بامتياز
و ما نكدبش عليك راكي درتيلي القلب
كي قريت موضوعك وشفتك مازلت متمسكة بهدفك رغم الظروف
و انا الحمد لله اموري مليحة و راني ساعات نياس و يهبطلي الموال ل0 ........

=========


>>>> الرد الرابع :

ربي يرحمها و يجعل مثواها الجنة أستاذة لغة عربية في خدمتك

=========


>>>> الرد الخامس :

https://3as.ency-education.com/
nchlh tu trouve tous ce que tu veux fi had cite

=========


ختي ننصحك في العلوم تضربي طلة على الباكلوريا ت السابقة
و كذلك الرياضيات و الفيزياء حلي الباك الي فاتوا و تكوني مستعدة ان شاء الله في المواد العلمية
انا نقلك واش حندير مع اللغات نضرب عليهم طلة نهار اللي حنعقب فيه عندي ملخصات نقرا منهم و الفرنسية نحل
2 مواضيع و بالنسب للحفظ انا ثاني حاصلة معاه ما نكذبش عليك
و ربي يوفقنا و


ربي يرحم ماماك ان شاء

انا تلميذة في الرابعة متوسط

مهمتي الدعاء لكي ولامك

فرحي ماماك حتى في القبر

ربي يرحملك أمك و يجعل مثواها الجنة انشاء الله
وادعوا لكي ولي ان ننجح في البكالوريا انشاء الله

انا شعبة تقني رياضي اذا احتجتي شئ


1er alah yarham ta mere alah yaj3al matwaha ljana alah ykon m3akom wyesabarkom. you inspired me and encouraged me a lot. 3labali fat 3lik bezaf w c'est une grande choc besah matkalihach tpazalizik mab9ach bezaf wte9edri ta9ray wetkamli mahoch na9sek bzf wmezal lwa9t . farhi yemek be9raytk tfakri wech kanet twasi fik wetmanay lnajah ta3k 3liha . si tu as besoin d'aide 9oli . bon courage ma cherie ida habiti nab3atlk des resumes 3andi a3tili lfb ta3k wnab3athomlk. take care . don't forget allah is always with you.

رحم الله امك و انعمها بجنانه
+
تلميذة رابعة متوسط

بنت خالي توفيت امها قبيل الباكالوريا ايضا ( رحمها الله )
و تنزوج ابوها قبيل الباكالوريا ايضا

تخيلي معي

و كانت مشاااااكل كبيييييييييرة جدا من كل النواحي تحيط بها

لكنها قاومت

ساعطيك علام اعتمدت في برنامجها في ال 10 ايام الاخيرة و يمكنك التعديل

كانت تنهظ صبحا على 4 و تدرس الى حوالي ال 10 مادة حفظ
تنام او ترتاح الى الواحدة ( و تاخذ غداءها و تصلي )
و تبدا مادة علمية الى 5
تستريح الى السابعة و تاخذ عشاءها
ثم تشرع في احدى اللغات

في هذا اليوم تراجع الفصل الاول
و في اليوم الموالي نفس المواد لكن الفصل الثاني
و في اليوم الثالث نفس المواد لكن الفصل الثالث

في اليوم الرابع تغير المواد الثلاثة بمواد اخرى

و هكذا الى ان انهت كل المواد


( لست متاكدة من التوقيت جيدا لكن امل انني افدتك و لو قليلا )


موفقة ان شاء الله

ربي يرحم أمك ويجعل مثواها الجنة ونحييك على الارادة والإصرار نتاعك ربي يوفقك وينجحك وينجحنا جميعا
اللهم آمين

رحمها الله و اسكنها فسيح جنانه ،

احييك على صبرك و قوة اصرارك ، وفقك الله الى النجاح بما يؤهلك الى دراسة الطب يا رب

اخي انا ننصحك حاليا تحلي بكالوريات سابقة و تراجعي من الملخصات ،

و اي استفسار بخصوص اسئلة اثناء مراجعتك اطرحيها هننا سيجيبك بإذن الله احد الاساتذة او التلاميذ جزاهم الله خيرا

الهمكم العالي الصبر و السلوان


ربي يرحمها و يوسع عليها و الله يعطيكم بالصبر

ربي يرحمها و يعطيك الصبر

صراحة الفصل الثالث ليس فيه العديد من الدروس مع حدف دروس غير الداخلة بالعتبة

يمكنك تدارك ما تستطعين

بالتوفيق لك