عنوان الموضوع : احتجاج عام لتحضير البكالوريا
مقدم من طرف منتديات العندليب

السلام عليكم يا خاوتييييي
حبيت نسقسيكم برك ايلا في la région نتاعكم راكم دايرين اضراب عن الدراسة
كيما تعرفو البرنامج راهو مكثف بزاااافف خاصة في الشعب العلمية و اداب و فلسفة سافيك لازم نطالبو باش يخففونا الدروس
و ثانيك على ايقاف الدروس في 12 ماي كي يتم توقيف الدروس في 12 ماي و ماحددوناش العتبة سافيك مادار والو الوزير.....؟؟؟؟؟راهو برك يتمسخر بينا
و ايدا ما درناش اضراب عاااااام عمرنا ما رانا رايحين نجيبو حقنااا
lessentiel حنا مادا بينا نكونو كلنا متحدين و نتفاهمو على كلمة واحدة باش يكون صوتنا مسموع من طرف وزارة التربية و اكيد بطريقة حضارية كيما يقولك يد واحدة ما تسفق
و من هادا الموضوع راني حابة نعرف شكون لي راهم في اضراب و شكون الي لال


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

3 ثنا ويات في مدينة حجوط تـــــــــــيــــــبـــــازة من يـــــــــــوم الاثنين
مــــــحمد ركـــــــايزي
متقن الطالب عبد الرحمن
بلكــــــبير
 ارجـــــــــــو ان تكتبو الثناويات التي انتم متاكدون من انهــــا في اضراب و مدته

=========


>>>> الرد الثاني :

حنا ني اضراب ني والو ا رانا نقراو نورمال هنا ف واد سوف رانا نورمال
و علاه نديروا اضراب يا سيدي رانا لاباس علينا انتما عيلكم تقراو و خلاص

=========


>>>> الرد الثالث :

كامل الثانويات في تقرت ما كانش اضراب ..وما كانش حتى ريحة تاعو ....وما شكيتش ايلا يكون ....مي مدابينا يكون على الاقل نريحو وتنقص علينا المراجعة شويا pareceque الضغط بزّاف علينا خاصة المواد العلمية

=========


>>>> الرد الرابع :

الإضراب في ولاية تيسمسيلت يؤول إلى 0 يعني مستحيل نديروا إضراب

=========


>>>> الرد الخامس :

االسلام عليكم
في بجاية ماكان لا إضراب ولا هم يحزنون
الاضراب هذا ما سمعناش بيه
على العكس راهم يجريو بينا مع الدرروس جريان

=========


حنا في وهران كاينين لي دارو و كاينين لي لا
حنا درنا و كملنا نهار الخميس فالحشية....نقواو النص كمل خاترش ما منظمينش رواحهوم .......المهم درنا و ما صرا والو ما قل العتبة ردوها ب 12 مي يقولولنا...هادا ما كان


نحن لسنا في اضراب و الله اعلم ممكن في الايامات الجاية

احنا في جيجل لا اضراب ولا هم يحزنون
نتمى ان لا يكون رانا لاباس علينا
و ما تفرحوش بالعتبة على خاطر لوكان يديروها العام هذا نديو الانذار 3 و يولي باك الدزاير غير معترف به دوليا
و يولي ما عندو حتى معنى

في تيارت يوجد ثانويتين اضربا محمد ديب وحيرش

معضم تانويات مستغانم راها مضربة عندنا قالونا العتبة توصل للموسسة 25 ماي وحنا يقسموها علينا 26 في هده الحالة وين راها فايدتها؟؟

المشاركة الأصلية كتبت بواسطة mohamed2700
معضم تانويات مستغانم راها مضربة عندنا قالونا العتبة توصل للموسسة 25 ماي وحنا يقسموها علينا 26 في هده الحالة وين راها فايدتها؟؟

ouiii mm nous
toujours a 10h

حنا في برجبوعريريج ماكانش الاضراب ماناش رايحين نديرو

عجيب ناس الإضراب..... نساو أنو بإضرابهم باك الجزائر لن يكون معترف به دوليا حتى المعدلات العالية.... الإنسان عليه التخمين و الصبر و الجد و الكد قبل فعل الجنونيات....
البرنامج مكثف جدا هذا صحيح و برنامجنا يماثل برامج فرنسا (بل مواضيعنا في الباكلوريا أصعب من فرنسا)......
يا إخواني ينبغي على الإنسان التخمين جيدا...... الشيطان يجري في الإنسان مجرى الدم.....
كثير من الناس يقول أن معدلات البكالوريا مهزله لكثرة النقاط العالية..... أقول لكم انظروا الأمر بأنفسكم المعدلات في فرنسا و بلجيكا أعلى بكثير من معدلات بكالوريا الجزائر..... ففي بلجيكا مثلا المعدل يفوق 20/20..... و الرقم القياسي عندهم 21.60/20.....
المعدلات العالية هذا شيء سياسي واضح.... لكن قد سهل على كثير من الطلبة قبولهم في الخارج......
بكالوريا الجزائر معترف به في أكثر دول العالم (المهم أكثر من 15/20)....
مستوى التلاميذ الجزائريين المكملين للثانوي خير بكثير من مستوى الأمريكيين في نفس المستوى الدراسي....
أعظم مشكلة في بلادنا ليست في التعليم الأول.... إنما هي في التعليم العالي....
التعليم العالي كارثة عظمى ليس لها وصف..... حتى جامعات ناميبية خير من جامعات الجزائر.....

تغير البرنامج.... تغيرت طريقة تصحيح البكالوريا.... أصبحت النقاط أسهل (خاصة فلسفة و علوم).... زد على ذلك الموضوع المواضيع أسهل نوعا ما من مواضيع البرنامج القديم....
على الإنسان التأقلم.....
15/20 في البرنامج الجديد ليست 15/20 في البرنامج القديم.....
زد على ذلك أن عدد الطلبة المقبولين في الشعب المشهورة (طب صيدلة و ما شابه) قد زاد بكثير و يمكن تضاعف.....
عادي أن 15/20 لا يجد ما يريد.....
الآن كثير من الناس يدرسون و بطريقة مكثفة قديما شهوة الدراسة لم تكن ترى.....
الشعب وعى من الناحية الدراسية قليلا و هذه بشارة خير.... الحمد لله....
لكل هذا يجب الجد ثم الجد ثم الجد.....
أعلم أني مقصر في قولي لكن كفى بالمرء تفكيرا قبل التطبيق...
و السلام عليكم....